Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

قصيدة للشاعر المشهور سيدي عبد العزيز المغراوي قالها اشتياقا لمكة المشرفة:

ابْـدَلْ نُومَـكْ يَا عَيْنْ بَالصَّـهْـرْ وَ النَّـوَاحْ

*

احْــمَــلْ يَــا قَــلْــبْ اكْـدَارِي

مَنْ هَمّْ الْغُرْبَة وَ الْـجْـفَا وُ بُـعْـدْ الْـمْـلاَحْ

*

أَيْــنْ عَـــرْبَـــة يَـــا نَـــارِي

هَطْلُوا بَالدَّمْعْ ابْصَارِي

اهْـطَـلْ يَا دَمْـعِي وَ لاَ تْـخُونْنِي بَالْبْـكَـا

*

وَ ابْـدَلْ نُومَـكْ يَا نَـظْرِي بْصَـهْرْ الْكْرُوبْ

وَ احْـمَلْ يَا قَلْبِي مَنْ قْـرَايَـحْ الْمَا حْـكَى

*

نَارِي صَادْفَـتْ حَطْبْ الْفْضَـا بْرِيحْ الْهْبُوبْ

كُلْ نْـهَـارْ اهْـوَالِي امْـوَاجْ مَـدَّارْكَة

*

لُو ثَـڤْبَـتْ سَـاعَة فُوقْ جْـبَلْ عَـالِي يْذُوبْ

هَايَمْ لِيلِي وَ نْهَارِي

نَشْبَهْ قَـيْسْ الْمَجْـنُونْ فَى الْبْـكَاء وَ النَّـوَاحْ

*

حَــتَّــى عَــادَتْ اخْــبَـــارِي

فِي اقْلاَمْ الْأَرْضْ السَّـبْعْ بَانْ عَشْـقِي وُ بَـاحْ

*

أَيْــنْ عَـــرْبَـــة يَـــا نَـــارِي

ءَاشْ اعْمَالِي يَا لاَيْـمِي مْـعَ ذَا الْهْـوَى

*

جَـارْ عْـلِيَّ وَ طْـغَى وُ سَاقْـنِي لَلْفْـتُونْ

لَنُّه سُـلْطَانْ عْـلَى الْقْـلُوبْ ڤَـاعْ اسْـتْوَى

*

غِـيرْ الِّي عَظْـمُه مَالَكْ الْحَـرَاكَة وَ السّْكُونْ

جَارْ الْحُـبّْ وُ فَـرَّغْ حْـمِيـمْ بَـعْـدْ الدّْوَا

*

بَعْـدْ اللَّذِيـذْ فَى الْحُبّْ شْـرُبْتْ كَاسْ الْحْزُونْ

لُو شَعْلَتْ نَارْ جْمَارِي

 

 

فِي صَلْبْ الْهَـنْـدْ يْـذَوَّبْ الْحْجَـرْ لُو قْسَاحْ

*

وَ عْـسَــى قَـلْـبِـي وَ سْــيَــارِي

بَالْحُبّْ مْـلَـيَّـعْ وَ انْـكْـوَى دْلِيلِي وُ جَـاحْ

*

أَيْــنْ عَـــرْبَـــة يَـــا نَـــارِي

 

 

 

ءَا مَنْ لاَ ذَاقْ الْحُـبّْ رِيتْ لَكْ لُو تْذُوقْ

*

جَـرَّبْ وَ اعْـذَرْ مَـنْ ذَاقْ ءَاهْ لاَ تَـبْـتْلَى

تَرَى الرَّعْـدْ وَ تَـرَى الرّْيَاحْ وُ تَرَى الْبْرُوقْ

*

نَـارْ دْلِيلِي فَى الْجُـوفْ وَ الْحْـشََا شَـاعْـلَة

وَ نْظَلْ مْعَهُمْ فِي خْـلُـوقْ مُـولاَهْ سُـوقْ

*

بَسْـيُـوفْ الْهَـنْـدْ مْرَهّْـفَـاتْ لَلْمْـقَاتْـلَة

لَحْظْ الطَّرْشُونْ الضَّارِي

جَدْيْ الْقَـفْـرَة بَـنْدْ النَّصَـرْ نْهَـارْ الْكْـفَاحْ

*

بَـهْــوَاهْ يْــزيِــدْ غْـــيَـــارِي

مَنْ تْخَمَّرْنِِي بْـحُـبّْهَا بْلاَ شَرْبْ رَاحْ

*

أَيْــنْ عَـــرْبَـــة يَـــا نَـــارِي

يَعْـجَبْـنِي شْعَـاعْ الْفَجْـرْ بَانْ تَحْتْ الشَّـعَرْ

*

وَ الثِّيثْ اكْحَـلْ زَنْـجِي حْـكِيتْ رِيشْ النَّعَامْ

ابْيَـضْ مَـنْ حَـبّْ الثَّـلْجْ ثَغْـرْهَا الْمَعْـتْبَرْ

*

وَ الرِّيقْ اشْهَى مَنْ عَسْلْ نْسَـمْ مَسْكْ الْخْـتَامْ

نَغْمَتْهَا دَاوْدِيَة تْـفُـوتْ نَـغْـمْ الْـوْتَـرْ

*

وَ الْقَدّْ غْصَـنْ رَجْـرَاجْ وَ الْقْـطَا وَ الْحْـمَامْ

ذَاتْ الصَّدْرْ الْبَلاَّرِي

طْـعَـنْ قَـلْبِي بَـنْهُـودْ مَـثْلْ دَڤْ الرّْمَـاحْ

*

تَــسْـبِـي الْـعَــابَــدْ وَ الْـقَــارِي

وَ الِّي حَـجّْ وَ غْـزَى وُ صَـامْ دَهْرُه وُ سَاحْ

*

أَيْــنْ عَـــرْبَـــة يَـــا نَـــارِي

 

 

تَشْـغَـافْ هْـوَاهَا هَـزّْنِي بْـرِيحُه عْصِيفْ

*

عْـلَى شُـوفَةْ مَنْ شَـافْ غِـيرْ مَنْ شَـافْهَا

صُـبْتْ ضَبْـيَة صَافْـيَة بْحُـسْنْ الْمْصِـيفْ

*

نَـعْـيَا نَـوْصَـفْ لَلْوَاصْـفِينْ فِي وَصْـفْهَا

وَ الله الاَّ فِي وَصْـفْهَا كْـثَرْ مَا نْصِـيفْ

*

مَا نَوْصَـفْْشِي عَـشْرْ الْعْـشُورْ فِي وَصْـفْهَا

ضَيّْ الْبَدْرْ السَّيَّارِي

يَخْـجَلْ مَنْ غُـرَّةْ حُسْـنْهَا عْـلاَمْ الصّْـبَاحْ

*

تَــنْـحَــاشْ لْـقَــدْرْ الــصَّــارِي

إِذَا اسْـتْوَاتْ مْـقَـاذَفْ قْــلُــوعْ الرِّيَـاحْ

*

أَيْــنْ عَـــرْبَـــة يَـــا نَـــارِي

وَاجَـبْ لِي نَـبْـكِي الدّْجَـا وُ نَـبْكِي النَّهَارْ

*

حَـتَّى يَنْـبَتْ عَـشْبْ الْكْلاَ مْحَـاجَرْ الدّْمُوعْ

عْلَى دَهْـرْ انْ عَـڤَّـبْ حْـلاَوْتُـه بَالْمْـرَارْ

*

هَلْ يَا حُضْـرَا دَهْرْ انْقْـضَى يْلُوشِي رْجُوعْ

وَ يْـوَلِّي لِي بَـعْـدْ الْجْـفَـا بْـقَلْبْ الْمْـزَارْ

*

يَـقْرُبْ مَنْ نَهْوَى بَالْهْـنَا وُ زَهْـوْ السّْـرُوعْ

نَرَى مَنْ نَهْوَى جَارِي

زَهْوْ الرُّوحْ ءَا غَـيْثْ الْمْـنَى وُ ضَـوّْ اللَّمَاحْ

*

نَــسْــلْ الــزِّيـــنْ الْـخُــنَّـارِي

شِي لاَ حَـجْبُـوهْ الْمْلُوكْ فِي بْسَـاطْ الرّْوَاحْ

*

أَيْــنْ عَـــرْبَـــة يَـــا نَـــارِي

ابْـلاَنِي رَبِّـي بِـكْ يَـا سْــرَاجْ الْفْـنُـونْ

*

اطْـلَعْ هْـلاَلَكْ عَنْ أَمْـرِي وُ نَجْـمِي بْـعِيدْ

لَـنِّـي مَـتْـرَبِّي فِي مْـقَـامْ تَـاجْ الْمْـدُونْ

*

وَانْـتِ رَحَّـالَة كُلْ يُـومْ مَـنْزْلَـة جْـدِيـدْ

مَـنْ رَابَـغْ لَتْلَمْـسَانْ الشَّـوْرْ كُـلْ الْعْـيُونْ

*

وَانَـا فِـي فَـاسْ مَـنْـزْلِـي بْـلاَدْ الْجْـرِيـدْ

وَ سْكَنْتِي فِي الاَقْفَار

بَالْهَـوْدَجْ وَ الْمَـرْحُولْ يَا شْـعَـاعْ الْبْطَـاحْ

*

أَيْــــنْ دَارَكْ مَــــنْ دَارِي

مْـوَنَّـسْ قَـلْبِي غِـيرْ بَالْهْـوَى وَ الْمْـزَاحْ

*

أَيْــنْ عَـــرْبَـــة يَـــا نَـــارِي

 

لِـوَكْ يَـا رَبِّـي نَـتْـلَـقَّى بْجَـدْيْ الْمْـهَا

*

عَمُـهُوجْ انْ نَعْـشَقْ مَنْ هْـوَاهْ دْلِيـلِي ذْلِيلْ

وانْـحَدَّثْـهَا بَـعْـدَ السَّـلاَمْ و نْـقُـولْ لْـمَا

 

مَنْ وَحْـشَكْ رُوحِي افْـنَاتْ و قَـلْبِي عْـلِيلْ

عْـلِيكْ مْـدُونْ وُ عُـرْبَـانْ ڤَـاعْ حَـوَّسْتْهَا

*

زِينَـكْ مَـا رِيـتُه فَى الرّْيَـامْ عَوْضُـه قْلِيلْ

بَهْوَاكْ نْسِيتْ سْوَارِي

مَنْ كُـثْرَةْ الْهْجَـرْ ابْـدَلْتْ نُومِي وُ جَاحْ

*

وَ اسْــرَى حُـبَّـكْ فِـي اسْــرَارِي

كـِيفْ اسْـرَى الْمَـاء فِـي اثْـمَـارْ اللَّـقَاحْ

*

أَيْــنْ عَـــرْبَـــة يَـــا نَـــارِي

عَـرْبَة عَـرْبَة مَا رِيـتْ مَثْلْهَا فَى الْعْـرَبْ

*

وُ لاَ فِي حْضَرْ فِي قْـصُورْ حُـسْنْ الْمُـلُوكْ

سْـبِيـكَة مَـنْ فَـجْـرْ مْـنُورْڤَـة بَالذَّهَـبْ

*

وَ الاَّ يَـاقُوتَة ضَـاوْيَة فِي بَعْـضْ السّْـلُوكْ

يَـتْـلاَلاَ نُـورْ جْـبِينْـهَا هَـكْـذَا يَـلْتْهَـبْ

*

وَ تْـخَلِّي غُرَّةْ حُـسْـنْهَا قْـمَرْ فِي  فْـلُوكْ

نَمْضَى مَنْ حَرّْ اشْفَارِ

نَـظْـرَةْ عَـيْنِيـهَا الْفَـاتْرِيـنْ ذُوكْ الْوْقَـاحْ

*

وَ حْــوَاجَــبْ فِــي الاَسْـــوَارِي

نَـعْنِي نُونْـتِينْ فِي سْـطُورْ بَعْـضْ اللَّـوَاحْ

*

أَيْــنْ عَـــرْبَـــة يَـــا نَـــارِي

أَيْنْ عَـرْبَة يَا مَنْ دْرَى * وِينْ نَجْـعْ انْ سْرَى

*

شَقُّوا عَرْبْ الصَّحْرَا * خْضَاوْا عَـرْبْ الْبْزُولْ

تَرَكُـونِي فِي غَمْرَة * نْهُومْ بِيـنْ الْـوْرَى

*

وَ عْـيُونِي لاَ فَتْرَة * رْسِيـلْ دَمْعِي هْـطُولْ

قُلْتْ عْـسَى اَمَـنْ دْرَى * ءَا وَاهْ عَـينِي تْرَى

*

مَنْـصُورَة وَ الزَّهْرَة * اخْوَاتْ عَرْبْ النَّقُـولْ

هُمَا قُُرَّةْ الاَبْصَارِي

اعْـزَمْ يَا دَهْـرْ نْـشُوفْـهُمْ تَـبْرَى الْجْـرَاحْ

*

نَــجْــعْ الْــبَـحْــرْ الــزَّخَّــارِي
 

امْـوَاجْ خْـلِيـلِي قْـلُوبْـهَا قْـلُوبْ الرّْيَـاحْ

*

أَيْــنْ عَـــرْبَـــة يَـــا نَـــارِي

 

أَيْـنْ عَـرْبَة يَـا وَاهْ وِيـنْ عَـرْبْ الْعْشِـيرْ

*

مْـجَـاوْرَتْ اهْلِي اََهْـلْهَا زْمَـانْ الْخْـرِيفْ

أَهْـلْ الشَّـانْ الْمَـرْفُوعْ وَ الشَّـبَاحْ الْمْـنِيرْ

*

مَنْ غَيْبَـتْهُمْ هَيْـهَاتْ مَا بْـقَى لِـي وْلِـيفْ

هُـمْ الْأَشْرَافْ بْـزِينْـهُمْ يْـصُـولُوا كْـثِيرْ

*

وَانَا فَى الْغَـرْبْ غْرِيبْ تَحْتْ حُـكْمْ الشَّرِيفْ

بَعْدَتْ عَنْ كَسْبْ اخْبَارِي

مَـنْ يَطْـوِي وَطْـنْ السَّلْـطْنَة بْدُونْ اللَّمَـاحْ

*

شَــلَّــى يَــبْـــلَــغْ خَـطَّــارِي

يَعْيَي الْحَـادِي فِي أَثْرْ الْجْمَـالْ مَنْ قَوْلْ حَاحْ

*

أَيْــنْ عَـــرْبَـــة يَـــا نَـــارِي

 

يَا مَـاذَا مَـنْ وِيـدَانْ بَـيْـنْـنَا وَ الْجْـبَـالْ

*

وَ غْـيَبْ وَ كْدَا وَ اطْلاَلْ وَ الْوْطَـا وَ الزّْقُوقْ

تْكَـلْ الْخَـيْلْ فِي حْثِيثْـهَا تَعْـيَى الْجْـمَـالْ

*

تَعْيَى الْفَرْسَانْ فِي مَشْـيْهَا عَـسَى مَنْ يْسُوقْ

عْـشَاهُمْ غِيرْ الصَّيْـدْ وَ الْمْـهَـا وَ الْغْـزَالْ

*

وَ جْـوَارْ لْـهُمْ الْهَـوْلْ قَاطْـعِينْ الطْـرُوقْْ

لاَ غَوْثْ مَنْ جَبَّارِي

يَفْـدِينِي مَنْ سَجْـنِي يْـكُونْ طَـلْقِي سْـرَاحْ

*

قَـوْمِـي وَ اهْــلِــي وَ انْــصَــارِي

اعْـجَـلْ يَا دَهْـرْ نْشُوفْـهُمْ بْـنُورْ اللَّـمَاحْ

*

أَيْــنْ عَـــرْبَـــة يَـــا نَـــارِي

 

يَـا مَـنْ يَهْـجَرْنِي هَكْـذَا نْصِـيغْ النَّـظَامْ

*

نَـعْتْ الدُّرّْ الْمَنْـظُـومْ فِي سْـلُوكْ الذَّهَـبْ

مَا هُـوشِي مَنْ وَالَـى الِّي يْجِـيبْ الْكْـلاَمْ

*

وْ عَسَى الِّي قَاصَرْ فِي هْـوَى فْـنُونْ الْكَذَبْ

اسْتَـيْقَضْ يَـا نَـايَمْ مَـنْ خْـلِيجْ الظَّـلاَمْ

*

تَـنْظُرْ حَـلَّة مَسْـتَحْسْـنَة بْلَـفْضْ الْعْـرَبْ

لاَ تَجْحَدْهَا يَا قَارِي

تَـظْهَـرْ لَلنَّـاسْ تْـنُورْ بَالْمْـعَانِي فْـصَاحْ

*

مَـنْ طَــبْــعْ الـشِّـيـخْ الْـقَــارِي

الْمَـغْرَاوِي عَـبْـدْ الْعْـزِيزْ طْـلَبْ الْكْـفَاحْ

*

سْـــلاَمِـــي لَـــلْــخُــطَّـارِي

مَا غَنَّى ڤُمْرِي فَى الْمْسَا وَ الصّْبَاحْ

*

أَيْــنْ عَـــرْبَـــة يَـــا نَـــارِي

تَمَّتْ