Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

قصيدة للسيد الشارف بن تكوك اصله من مجاهر ناحية مسغانيم مات رحمه الله هذه نحو الاربعين سنة قالها في شان عڤاب وجده مكسر الجناح مشرف على الهلاك :

هَدَّة

يَا ذَا الْعْـڤَـابْ فَـارقَتْ صُـرْبَـة الزَّدَّامَـة  

*

الله يَـجْـعَـلْ الِّي وَتَـاكْ يَـرْفَـقْ بِـكْ

رَبِّي قْضَى بْوَعْدُه الْأَجْلْ قَرَّبْ لِـكْ

حَـسْرَاه كُنْتْ فِي شَامَخْ السّْمَاء بَالْحَوْمَة

*

وَ جْمِيعْ مَنْ مْشَى فُوڤْ الاَرْضْ بِينْ يْدِيكْ

وَ الْيُومْ يَا الْبَرْنِي اخْطَاتَكْ التَّحْزِيمَة

*

جْنَـاحَـكْ انْكَسَرْ وَ الْعْذَابْ طَـالْ عْلِيكْ

مَاشِي الاََّ انْـتَ الِّي لْـبَـسْـتْ هَذَا الْهَدْمَة

*

عَيْطَى خْـيَـامْ طَاحُوا نْـمَـثَّـلْـهُـمْ لِكْ

شَـافُوا وُ شَـوّْفُوا فَى الزّْمَانْ زَهْوْ وُ هَمَّة

*

وَ مْنِينْ بَـرَّمْ الْـفَـلْـكْ صَـارْ كَذلِكْ

الصَّـبْـرْ لِـكْ مَفْتَاحْ لاَ تْصُودَكْ نَـدْمَـة

*

إِذَا اوْفَـاتْ الاَيَّـامْ مَـنْ يْمُوتْ عْـلِـيـكْ

وَ لُو تْدَّخَّلْ الـرُّوحْ فِي تْـخُـومْ الصَّـمَّـة

*

قَبَّاضْـهَا نْـهَـارْ الْـفْـرَاقْ يَـوْعَدْ لِـكْ

الْمُوتْ فَرْضْ وَ الْعَبْدْ مَا يْـنِـيـفْ بْـسُـومَة

*

نْهَارْ صَـوّْرَكْ حَـطْ مَا مْـقَـدَّرْ لِـكْ

فْرَاشْ

يَا كَـامَلْ الْـخْـصَـايَلْ رَوّْحَتْ رُجَّـلْـتَـكْ

*

عَـدْيَـاكْ رَاتْعَة فَى الْـوْطَا وُ فَرْحَتْ لِـكْ

صُـبْـتْ الْڤْطاَ عْلَى حَـدْ الاِيمْـنََة وَ يْسَارَكْ

*

وَ انْتَ مْـعَـدَّم الاََّ تْدَنَّڤْ بْـعَـيْـنِـيـكْ

وَ بْكِيتْ يَـا عْڤَابْ الرّْحَايَلْ عْلَى ڤُرْضَكْ

*

فَـكَّـرْتْـنِي بْـخَـيْـلِي بْقَى الاََّ التَّـرِيـكْ

 

 

سَرْجِي تْهَـرْشَمْ وَلَّى عْـدِيمْ بَاقِـي  كِـيفَـكْ

*

الْمُوتْ خِيرْ مَنْ عِيشَـةْ الزّْعَـافْ عْـلِيـكْ

انْتَ ابْكَـمْ وَانَـا بْـنَـيّْـتِي كَـلَّـمْـتَـكْ

*

نَبْغِي تْـڤُـولِّـي بُـوعْـلاَمْ يَـرْجَـعْ لِـكْ

لاَ تْـخَـيَّـبْ الظَّـنْ غِـيرْ جَـرَّبْ سَعْـدَكْ

*

لَلِّي نْـسَـى خْـدِيـمُه تْـرَوَّحْ نْوَصِّـيـكْ

تْـقُـولُّـه خْسَارَة عْـلاَشْ جُـزْتْ حْبِـيـبَكْ

*

طْـوَالَـتْ الْغَـيْـبَة وُ عَـايْـرُونِـي بِـكْ

يَا كَامَلْ الْخْصَايَلْ بْغِـيـتْ نَشْـفَى وَجْـهَـكْ

*

لَلَّهْ غِـيـثْ مَـنْ نْـظَـمْ الْكْـلاَمْ عْـلِيـكْ

هَسِّيتْ يَالْمَسْـعُورْ مَـنْ مْـحَـايَـنْ حُـبَّـكْ

*

وَلِّـيتْ كِي الْمَـهْـبُولْ غِـيرْ نَـلْـغَى بِـكْ

مَـشْوِي عْلَى الْجْـمَرْ مَا رْمِـيتْ لِيَ بَـالَـكْ

*

جْـوَارْحِـي انْصَـرْڤُوا مْـشَاوْا مَنْ تْـوَالِيكْ

مُـولْى الْغُـرَامْ لَـبْدْ عْلَى الْحْـبِيبْ مْـهَلَّـكْ

*

وِاذَا تْـفَـكَّرْ الْڤَـلْبْ تَـنْهْـضَاهْ وَ يْـجِيـكْ

مَشْهُـورْ كِي الْخُـدَّامْ شَمْـعْـتِي تُـغْدَى لَكْ

*

حَـتَّـى تْـڤُـولْ هَذَا الْمْـقَامْ مَـاشِي لِـكْ

بَرْكَـة مْـنَ الْجْـفَا يَـا عْـنَايْـتِي بَخَّـيْـرَة

*

الْبُـغْـضْ مَا يْشَـدُّوهْـشِي اهْـلْ الدِّيـوَانْ

كُـنْـتْ حَـارْزَكْ زَعْـمْ لَلزّْمَـانْ دْخِـيـرَة

*

سَـاعَة هْـدِيتْـنِي بُـرْتْ غُـرّْتِي الاَمَـانْ

عْـلَى الْخْدِيـمْ يَا بُوعْـلاَم دَرْتْ مْـعِيـرَة

*

مَا كَـانْ مَا عْـمَلْـنَا عْـلاَشْ ذَا الْجَـفْـيَانْ

بَالله نَطُّلْبَكْ بَـالـرّْسُـولْ وَ امُّـكْ خَـيْـرَة

*

نَبْغِي الْوْجَـابْ جْـفِـيتْـنِي الْحَـقْ يْـبَـانْ

جْمِيعْ مَـنْ كْـرَهْـنَـا الاَّ ادَّاتُـه غِـيـرَة

*

الْبَـايْ ڤَاعْ لَلنَّاسْ مَنْ حْـسَـدْ شِـيـطَـانْ

إِذَا وْتِـيـتْ فُوتْهَا بْجَاه عْـلِي وَ الزَّهْـرَة

*

بَنْتْ الرّْسُـولْ مَنْ عْـلْيـهْ نَـزَّلْ الْفُـرْقَانْ

ذَا الْجَـاهْ يَـا الْـغَـالِي بْحُرْمْـتُه يَغَّـلْبَـكْ

*

مَنْ جَاهُمْ الْجْـمَلْ صُـرْبَـتْ الصَّحَـابَة لِكْ

الشَّارَفْ انْـڤْـطَعْ شَـافْتُـه الدَّنْـيَا عَـنْـدَكْ

*

سَتِّينْ عَـامْ حَـازُه الْمَلْـكْ مَـنْ وَالِكْ

انْـتَ إِذَا نْـسِـيـتُه الْحَـقْ لِيهْ يْـسَـالَـكْ

*

خُوكْ وُ صَاحْـبَـكْ فَى النُّـجُوعْ يَهْدَرْ بِـكْ

ذَا الشِّي الِّي عْمَـلْـتُه قْلِيلْ مَنْ يَصَّـحْـبَـكْ

*

مَـا بَـاقْـيَة مْحَـبَّـة الِّي سْـوَى يَـدِّيـكْ

السَّيَّدْ مَا يْفَرَّطْشِي عَـيْـبْ ذَا الشِّـي مَـنَّـكْ

*

لَيَّاهْ ذَا اكْرَمْـتُـه وُ الاَخُـرْ مْـسَامِـيـكْ

فَي النُّومْ ڤُلْتْ لِي مَـنْ لَـزّْ لِـيَ سَـالَـكْ

*

فِـي دَنْـيَـةْ الْغْـدَرْ ضَامْـنُه وُ فِي هَـذِيكْ

كِـيـفَـاهْ جُزْتْ ڤُنْطَاسْ خَيْمْتِي وَ مْقَامَكْ

*

بَرْكَاكْ زَيَّـنْ الْعَـاقْـبَة الْعَـارْ عْـلِـيـكْ

احْـسَـنْ تْـلِيـفْـتِي جَـدّْنَا قْـبَلْنَا خَـدْمَكْ

*

تَـكُّـوكْ مَـاتْ وَ عْـلَى اوْلاَدَهْ مْوَصِّـيـكْ

نَبْـغِي نْهَارْ نَـنْظَـامْ فَى الْمْضِيقْ نْصِيـبَـكْ

*

الْڤُـومْ نَـايْـضَة وَ الْعْـدُو مْـقَـرَّبْ لِـكْ

ثَـمَّ تْـبَـانْ الاَبْـطَـالْ يَا التَّـايَكْ كِـيفَـكْ

*

يْسَافَرْ الْخْـبَـرْ لَلْـعْـبَـادْ تَـسْـمَـعْ بِـكْ

تَمَّتْ