Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

قصيدة للسيد احمد بن الحصيني  اصله من مديونة عرش ولهاصة دايرة الرمشي عمالة وهران عاتب بها البوحميدي خليفة العلامة الشيخ الحاج عبد القادر لما اعطاه صاعين من زكاة العشور :

ءَا خْـلِـيـفَةْ السَّـلْطْـنَة أَمِـيرْ الْمُومِـنِينْ

*

ءَا مَفْـتَاحْ الْـغَـرْبْ مُـولاَنَـا وَلاَّكْ

جَـبْـنَالَـكْ فَى الْـجَاهْ رَبّْ الْـعَـالَـمِـينْ

*

الِّي بَـعْـدْ الـزُّهْـدْ فَـى الرُّتْـبَة عَـلاَّكْ

السَّمـِيعْ الْبَـصِـيرْ مَا يَـنْـشَـافْ بْـعَيْـنْ

*

الـطَّـلْـبَـة الِّي طْـلَبْـتْـهَا بِـهَا وَفَّـاكْ

لَيَـنِّـي مَا عْـمَـلْـتْـشِي حَقْ الْمَسْكِـيـنْ

*

الـدَّنْـيَا مَـا تْـدُومْ شِي لاَ تَـوْهَـمْ بَـلاَكْ

خَـلُّـوهَا كِـيفْ جَـاتْ وَزْرَة وَ سْلاَطِيـنْ

*

غَرَّارَة مَنْ ڤْبِيلْ شَمْـتَـتْ ذَاكْ وُ ذَاكْ

خَـمَّـمْ الاَتْـرَاكْ بَعْدْ كَانُـوا صُورْ حْـصِينْ

*

رَاهُـمْ فَى الـذَّلْ مَـرَّتْ ايَّـامْ الـتَّـزْدَاكْ

وَ اسْتَـمْثَـلْ كِيفْ صَـارْ بْـوَلَـدْ اسْمَاعِيـنْ

*

الْوَقْـتْ يْـفُـوتْ لاَ بُـدّْ يْـدُورْ الْـفَـلاَكْ

هَـذِه هِـيَ الْـعْـزِيـبْ دَارْ الْـجَـوَّازِيـنْ

*

خَـمَّـمْ مَـاذَا فَـاتْ ڤُـدَّامَـكْ وَ وْرَاكْ

مَا دَامَتْشِي لْمَنْ ڤْـعَـدْ فِـيـهَـا قَـرْنِـيـنْ

*

شَـافْ الدَّنْـيَا بْـطَرْفْ عَيْـنَهْ يَـا مَـڤْوَاكْ

وِينْ النَّـمْـرُودْ وِيـنْ شَـدَّادْ اللَّـعِـيـنْ

*

عَاشُـوا فِـيها اشْـحَالْ خَـلُّوهَا وْ حَـشَاكْ

وِيـنْ اعْـطَاوْ اهْـلْ الْحْـيُوطْ الْمَـبْـنِيِّـينْ

*

غِيرْ الِّي يْجِي حْـكُومْـتُه أَحْـسَنْ مَـنْ ذَاكْ

بْنِي وَطََّـاسْ فَى الْعْـرَبْ نَـاسْ سْـلاَطِيـنْ

*

أَهْـلْ طْـبَـلْ نْـحَاسْ مَا دَرْكُـوهْ اتْـرَاكْ

بَـنُـو زَيَّـانْ فَى الْحْـوَاشِـي مَـرْسُومِيـنْ

*

لاَ مَشْـوَرْ لاَ يْـقَـامْـتُه سَابَـتْ الاَمْـلاَكْ

مَا دَامَـتْ لَـنْـجُوعْ عْـرَبْ هْـلاَلِـيِّـيـنْ

*

أَهْـلْ الْمَعْـنَـة إِذَا هْـدَرْ الاَخُـرْ فَـكَّـاكْ

وِينْ ذْيَـابْ شْجِـيعْ مَـتْمَحْلِي وَ فْـطِـيـنْ

*

دَبَّـابْ نْـجُـوعْ خَايْـفَة يُـومْ الْـوَكْـوَاكْ

 

 

الْبُوسْعِـيدِي فِي حْـكُومْتُه طَـايَعْ وَ خْـشِينْ

*

قَصْرَتْ عُـمْـرَهْ رَاحَـتْ ايَّـامْ الـتَّـزْدَاكْ

بَنْـتُـه وَحْـدْ النَّهَـارْ مْـعَ السَّـڤَّايِّـيـنْ

*

شَـافَـتْ صَـيْدْ الْمْڤَـاحْرَة رَاحَتْ تَهْـمَاكْ

قَـالَـتْ لْـبُـوهَا الْيُـومْ شْـفِـيتْ الزِّيــنْ

*

شْـرُبْ كَـاسْ مْـنَ الصَّـبْـرْ الِّـي رَوَّاكْ

قَـالْ لْهَـا فِي هْـوَاهْ شَفْـتِـي بَالْعَـيْـنِـينْ

*

الْمَـرْوْ الِّي مْنَ الْـعْـقَـلْ سَلَّـهْ وَ هْـدَاكْ

قَالَتْ لُه بُونْـڤَـابْ مَـعْـڤُودْ الْعَـرْنِـيـنْ

*

هُوَ الِّي يْـكُونْ فَى الْبْـلاَدْ اسْـبَابْ خْـلاَكْ

قَـالْ لْهَا ذَا ذْيَــابْ جَـابْ الْغَـضْـبَانِيـنْ

*

لِيَ يَضْـحُوا عْـزِيبْ يَـرْعُوا مَـالْ ابَّـاكْ

قَالَتْ ذِي خَصْلَة وَاعْـرَة مَا كَـانْ مْنِـيـنْ

*

الْحَمْـلَة جَاتْ فَى الْـعْـرَاضْ الْــوَادْ ادَّاكْ

بَالاَّحْرَشْ وِينْ صَـارْ بِـهْ اعْـطَاتْ سْنِـيـنْ

*

ڤُـدَّامْ ابْـنْ الـشَّـرِيـفْ بَمْحَالُه يَلْـقَـاكْ

فَـيْـتَسْ دِيـوَانْ التَّـرْكْ بَمْحَـالْ قْـوِيِّيـنْ

*

بَـعْـدْ الاَّ مَا اضْـحَاتْ ذَا يَـجْفْـلْ مَنْ ذَاكْ

حَـسْـرَاه عْلَى اوْلاَدْ صَـقْـرْ الْمَـذْكُورِيـنْ

*

عْـمَارَتْ زِيـدُورْ ايَّامْـهُمْ فَاتَـتْ تَـزْدَاكْ

وَ الِّي كَـانُوا اوْلاَدْهُمْ بَـكْـرِي مَشْـنُوعِـينْ

*

اوْلاَدْ الْعَـرْبِي بْـلاَدْهُـمْ وَلَّـتْ مَـشْـتَاكْ

اطْلُبْ رَبِّـي السَّتْرْ عْـلِيـكْ يْـكُونْ يْـقِيـنْ

*

عْـلِيـكْ يْـجِي حْـجَابْ قَدّْ امَّـا خَــلاَّكْ

الْـفَـتَّـاحْ الْكْـرِيـمْ الـرَّزَّاقْْ حْـنِـيـنْ

*

ذَا الشِّيء مَكْـتُـوبْ لِـكْ سَابَقْ بِـهْ اَتَـاكْ

لاَ تَـامَـنْ الزّْمَـانْ يَـغْـدَرْ وَ لُـو حِـيـنْ

*

الدَّنْيَا لُـو تْـطُـولْ فِي وَطْـيَة تَـهْـدَاكْ


ذَاكْ الْبَـأَسْ الْعْـجِيبْ خَيْـلَكْ مَحْضِـيِّينْ

*

فَى الْحُـفْـرَة الْبَارْدَة لاَ بُـدّْ مَنْ التَّـوْرَاكْ

نَـاكَـرْ وُ نَـكِيـرْ يَـحَّـضْرُوا الاَثْـنِـيـنْ

*

بَـلاَكْ تَّـلَّـفْ الْـكْـلاَمْ إِذَا نَــبَــاكْ

الدَّنْيَا مَـنْ ڤْبِيـلْ ذَا فَـارَحْ وَ حْـزِينْ

*

ءَا الـزَّاهِـي فِي الْعْڤَادْ تْلَفَّتْ مُورَاكْ

 

 

الصَّـادَقْ وِيـنْ دَنْـيْـتَهْ سِـيدْ الثَّـقَـلِيـنْ

*

اطْلُبْ رَبِّـي مْـعَـاهْ يْـزَيَّـنْ مَـلْـقَـاكْ

تَـارَكْ الْـوَقْـتْ مْـعَ سْخِيطْ الْوَالِـدِيـنْ

*

فِي ذِيـكْ الدَّارْ لاَ تْـدِيـرُه جَـارْ حْـذَاكْ

فَى الْـآيَـة وَاشْ قَـالْ رَبّْ الْـعَـالَـمِـيـنْ

*

انْـظُرْ فَى الْكُـتُـبْ وَاشْ الله وَصَّـاكْ

لاَهْ الْعْـشُـورْ يْـجُـوزْ فِي تَارَكْ الدِّيــنْ

*

تَحْمَـلْ الْكَلْبْ فَى الْفْـرَاشْ يْـبَاتْ حْـذَاكْ

أَهْلْ الـشَّـمَّـة مْـعَاكْ رَاهُمْ مَعْـشُوقِـيـنْ

*

لَحْمْ الْخَنْـزِيرْ فَى الْمْعَاشْ يْكُونْ عْشَاكْ

قََلَّةْ الاِيـمَـانْ يَـاسْـرَة وَ الفَـعْلْ الشِّـيـنْ

*

صُوفْ الْجِيفَة إِذَا لْبَسْـتْهَا كِـيـفْ صْلاَكْ

أَنَا خُـفْـتْ عْـلِيـكْ يَا ضُوْ الْعَيْـنِـيـنْ

*

هَذَا الْحَـنْـطَـة بْرَايْهَا مَا كَانْ سْــلاَكْ

فَى الْمُوقَـفْ ڤُـدَّامْ رَبّْ الْـعَـالَمِـيـنْ

*

ثَـمَّ تَتْخَلَّّصْ الاَدْيَـانْ ذَا يَخْـلُـصْ مَنْ ذَاكْ

أَنَا شَـفْـتْ الْعْـجِـيـبْ عَنْدْ الْمِـيَّـازِيـنْ

*

وَقْـتْ الْـقَـبْـضْ يْـعَاوْنُـوا بَالتَّـوْرَاكْ

وَ الْيُـومْ الـرُّبْـعِي يْـشَـدّْ بْزُوجْ يْـدِيـنْ

*

بَالْـعَـزْمْ الاَّ يْـحُـطَّـهْ أَيَّـا بَــرْكَـاكْ

احْلَفْ بَالْقَطْعْ الْحَمْـلْ يَخْـرُجْ حَمْـلِـيـنْ

*

وَ الـزَّايَـدْ إِذَا بْـقَـى يَـقْـسَمْ مْـعَـاكْ

الِّي مَسْكِيـنْ رَاهْ مَا لَـهْ صَـدْرْ حْـنِـيـنْ

*

جَبْنَا لَكْ فَى الْجَاهْ سِـيدْ احْـمَـدْ بَـابَـاكْ

حَتَّى تَضْحَى تْـشُُـوفْ حَالْ الْمَغْـبُـونِـيـنْ

*

حَقْ الْڤَـلِّيـلْ رَاهْ فَى الْـعَـڤْـبَة يَـرْجَـاكْ

الِّي مَكْـسِـي مَـا دْرَى بَالْـعَـرْيَانِـيـنْ

*

وَ قْـلِـيـلْ السَّعْدْ فِـيـكْ مَا عَنْدَهْ سْـلاَكْ

شِي فَى الْمَـاء يْحَـفَّـنْ وُ شِي عَطْشَانِـيـنْ

*

بُـوعَـسْـرِيَـة زَعْـمْ ڤُـلْتْ ابَّا وُ ابَّاكْ

اهْـلَـكْـنِي احْـتِـيَـاجْ اوْلاَدِي جِيعَانِـيـنْ

*

جُودْ عْـلِيَّ الاَّ مْـنَـاشْ الله اعْطَاكْ

حَتَّى سُـلْطَـانْ مَا كْرَمْ اعْـطَى صَاعِـيـنْ

*

يَـسْـتَـاهَـلْ مَنْ جَابْتَهْ رَجْـلَهْ وُ جَــاكْ

 

 

للَشُّعَرَاء اعْـطَـى شْـفِـيعْ الْمُـذْنِبِـيـنْ

*

وَجْـدَهْ غِـيـرْ قْمِيصْ مَدَّهْ بِـيـدَهْ وَاكْ

وَحْـسَـى انْتَيَ الِّي خْـزَايْـنَـكْ مْلاَنِـيـنْ

*

وَ الدَّنْـيَـا وَاجْـدَة عْلَى أَمْرَكْ وَ نْهَاكْ

مَـا يَخْفَاشِي عْليكْ جَدِّي بُـوقَـبْـرِيـنْ

*

تَلْمِيدَكْ مَنْ ڤْـبِـيـلْ عَنْدِي ذَكْرْ ابَّـــاكْ

الطَّـمْـعَة فَى الْـكْـرِيمْ  الرَّزَّاقْ حْـنِـيـنْ

*

السَّاعْ يْـبَـلْـنَـا الِّي بَـلَّـكْ وَ اعْـطَـاكْ

وِاذَا انَايَ نْـطَـقْـتْ بَمْـنَـاطَقْ شِيـنِـيـنْ

*

تَجْرِي الاَحْكَامْ كِي بْغَاتْ عْلِيَّ مَـرْضَـاكْ

اهـ