Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

و له ايضا رحمه الله :

جَـرَّحْ قَـلْبِي الْفْـرَاڤْ جُـرْحَة فِي جُـرْحَة

*

ءَا مَا اصْـعَبْ حَـالَةْ الْفْـرَاقْ عْلَى مَّالِـيهْ

رَافَـدْ ثَـقْـلُه شَـطْ مَـنْ ثَـقْـلْ الْـمَـلْـحَة

*

وَ اضْحَى جُـنْـدُه فُـوقْ مَنْ قَـلْبِِي دَاهِـيهْ

وَ اصْـفَـارَتْ وَرْقْـتِي كِـمَا لُـونْ الْبَـلْـحَة

*

وَ اضْحَى لُونِي مَا يْـلُـه فَى النَّـاسْ شْبِـيهْ

مَـثْلِي دَهْـدُوهْ بُوفْـطَـرْ صَـادَفْْ ڤُـرْحَـة

*

نَاقَـصْ مَنْ حَالْـتُه وُ شَـارْ اللَّـدْعْ عْـلِيهْ

نْـقَـصْ جَـهْدُه وَ صَـادَفْ ايَّـامْ الـزَّرْحَـة

*

وَ يْـظَلْ يْـرَاعِي الْڤْـطِيـعْ يْـوَلِّـي لِـيهْ

كَـذَلِكْ اَنَا اضْحِـيـتْ مَـثْلُـه فَى الـسَّـنْحَة

*

مَنْ فَـقْدْ الِّـي نْـرِيدْ فَى الْخَاطَـرْ نَبْـلِيهْ

يَا رَبِّي وَاشْ حِيلْتِي وَ لْقِِينِي بِهْ