Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

و له ايضا رحمه الله تعالى :

هَدَّة

رْكَضْ حَالِي وَ شْيَانْ صُرْتْ رُوحِي تْذِيقْ

*

مَــاذَا مْــنَ الْـهَــمّْ مْـلاَقِــي

قُـمْتْ السَّـلْوْ وُ لاَ جْبَـرْتْ حَدْ بِيَ يْـلِيقْ

*

يَــفْـجِـي هَــمِّــي وَ اشْــوَاقــِي

سَـرّْ الْبَالْ كْـتَمْتُ وُ لاَ جْـبَرْتْ الصّْـدِيقْ

*

مَــا يُــوجَــدْ قَــلْــبِـي رَاقِـي

بَاهْلِـي وَانَـا مَثْـلْ الْغْـرِيبْ مَا لِي رْفِـيقْ

*

عَـاشَـقْ وَ بْـلاَ عُــشَّــاقِــي

فْرَاشْ

قَلْـبِي دِيمَـة مَشْنُـوقْ * مَنْ هْمُـومُه تْسُوقْ

*

ذِيـكْ عْلَى ذِي مْنَ الْفُـوقْ * لِـيسْ يَتْفَارْقُوا

حُسْنْ احْـوَالِي مَسْـرُوقْ * مَنْ شْتَـمْ الْهْيُوقْ

*

وَ لْسَـانِي مَـاشِي مَتْلُوقْ * بَابَـهْ مْوَتّـقُه

عُـدْتْ مْنَ الْمُرّْ نْذُوقْ * صَارْ قَلْـبِي يْشُـوقْ

*

خَـرَّفْ مْنَ النَّاسْ السُّـوقْ * لِيمْـتَة نَلْحْـقُوا

عَاشَقْ وَ بْلاَ عُشَّاقِي

هَدَّة

شُقْتْ وُ لاَ صُـبْتْ قْلُوبْ فِي صْدُورْ انْ تْهِيقْ

*

لِـمَــنْ نْـــمَـــدْ عْــبَــاقِــي

فِي ذَا الْجِـيـلْ الشَّـتَّامْ باللَّسَـانْ الْبْـتِـيقْ

*

كَــيَّــةْ قَـلْـبِـي وَ حْــمَـاقِـي

لاَ بُـدَّ مَـنْ طَـالْ امْتََلْ لَنْ غََثْـمْ الْغْـسِيقْ

*

يَــهْــذَلْ مَــنْ نُــورْ الــرَّاقِــي

مَا نَـصْرُوا مَرْوْ اهْـلِهْ بَعْدْ صَنْـفُه شْقِـيقْ

*

مَــاذَا مْــنَ الْــهَــمّْ مْــلاَقِــي

فْرَاشْ

الْهَـمّْ تْلاَقَـا * فَى الْهْـنَـا وُ زُرْتْ الشَّـقَـا

*

مَا نَـهْنَى مَنْ خَنْـقَة * جْـوَارْحِـي ذَاقُـوا

مَـهْمُومْ مْنَ الْفَـرْقَة * وُ دَنْيْـتِي هَايْـقَة

*

خَـالَفْ ذَا الْعَـصْرْ بْقَى * خْصُوصْ حُدَّاقُه

لاَ جَـلْسَة مَعْشُـوقَة * عْـلَى رْضَـا تَلْتْـقَى

*

وُ بَعْدْ اجْتْـمَاعْ الْحَلْـقَة * ابْـرَاجْ يَنْـسَاقُوا

نَادَى لَلْجَدّْ فْرَاقِي

هَدَّة

غَـيَّمْ حَـالِي وُ لاَ صْحَـاشْ جَـوُّه غْـلِيقْ

*

وَ هْــبَــطْ مَــطْــرْ الْأَفَـــاقِ

دَمْـعْ عْـيُـونِي مَكْبُـوبْ فُوڤْ خَدِّي دْفـِيقْ

*

طَــابُــوا مْــنَ الْـبَـكْـوْ ارْمَـاقِـي

رِيـحْ الْحُـبّْ عْصَفْنِي وُ هَزّْ غُصْنِي شْرِيقْ

*

شَــالُــوا بَـالْـعَـهْـنْ اوْرَاقِـي

كَـنِّـيتْ الْخَاطَـرْ هَكْـذَاكْ حَـالُه مْزِيـقْ

*

لاَقِــــي يَـــا رَبِّـــي لاَقِـــي

فْرَاشْ

زَادْ الْخَـاطَـرْ تَـشْوَاقْ * شُوقْ كَحْلْ الرّْمَاقْ

*

مَنْ لاَ يَـنْظُرْهَا اتْفَـاقْ * تَاجْ عَـرْبْ التَّيَاقِ

هِيَ عَـتْقَتْ الاَعْتَـاقْ * جَايْ وَ الِّي سْبَـاقْ

*

حَضْرَةْ مُولَى الْبُورَاقْ * مَنْ تْجِية الْخْلاَقِ

فِـي يُــومْ لَـضّْــى وُ تَــمْــزَاقْ

*

سَـعْـدْ مَنْ يَحْتْـقَاقْ * بِهْ نْجَى يُومْ الْبَاقِي

هَدَّة

فِي يُـومْ وْعَـرْ مَا فِيهْ وْسَـعْ غِيـرْ ذِيـقْ

*

بِـهَــا يَــسْــرَدْ اخْــفَــاقِــي

الله يَـعْـلَمْ نَسْـبِي وُ نَسْبْـهَا مَنْ طْـرِيقْ

*

بَـايَــنْ شَــجْــرَةْ الــتَّـحْــقَـاقِ

مَنْ سَـدِّيتْ عْـلِيهَا مْنَـاسَجْ مْنَ الْوْرِيـقْ

*

تَـعْمَـرْ فَـى الْــخَــفْــيْ سْــوَاقِي

جَـبْتُـه نَدْفَعْ زَعْـمَى لْكُلْ مَنْهُ عْشـِيقْ

*

مَــاذَا مْــنَ الْــهَــمّْ مْــلاَقِــي

فْرَاشْ

سَاعَة صُـبْتْ الْعُشَـاقْ *رَوّْحُـوا فِي اتْفَاقْ

*

ذَا وِينْ الشَّاعَرْ فَاقْ * صَـابْ رُوحُـه شْقَى

لَبْدَة بَـانِي الاَسْـوَاقْ * عَنْدْ حَـالِي وُ ذَاقْ

*

مَا يَحْـمَـلْ الْمَشْتَـاقْ * فِي جْـلُوسْ الْبْقَا

بَالْـمَـعْرِفَـة حُـذَّاقْ * بِهُـمْ السَّـلْـوْ لاَقْ

*

وَ الـرَّاسْ مْدَامْ وُ فَاقْ * مَنْ عَبْـقْ ذُو سْقَى

نَفْرَغْ مَنْ شُغْلْ اسْوَاقِي

هَدَّة

يَظْـفَرْ بَالْفَرْحَـة وَ سْرُورْ قَـلْـبْ الْعْشِـيقْ

*

نَــسْــقِـي بَـالْـعَـذْبْ حْــلاَقِــي

لـِيوَكْ نْـحَـقَّـقْ فِـيهَا بَّصْـرِي حْـقِيـقْ

*

فِــي ذَاتْ الْــحُــسْــنْ الــرَّاقِ

نَـسْقِي خَـمْـرِي كِـالدَّايْخِينْ مَنْهَا رْشِـيقْ

*

مَـنْ لاَ يَـنْـظُــرْهَــا شَــاقِــي

وَ تْـرُوحْ هْمُـومْ الِّي لْفََـاتْ عَـنِّي سْبِـيقْ

*

لاَقِــــي يَـــا رَبِّـــي لاَقِـــي

فْرَاشْ

خُـذْ مْنَاسَجْ عَبْـرَقْ * مَنْ انْوَاعُه اشْـتْـرَقْ

*

مَنْ ذِبَـاجْ مْـرَوْنَـقْ * صَنْـعْـتُه فَـايْـقَة

خُـذْ كْـلاَمْ مْـحَـقَّقْ * عِـيدْ لَلِّي عْـشَقْ

*

زَيْ عْـلَى مَنْـطَقْ * كَـعْبْ مَتْفَـارْقَـة

أَشْـرَحْ لَفْظِي وَ احْـدَقْ * تَلْسَـعْ الِّي حْمَـقْ

*

مَـعْنَة الْجَـدّْ مْحَـقَّقْ * صَـاحْـبُه يَنْسْـقَى

يَلْكَزْ شَطْرْ الْمُلاَقِي

هَدَّة

خَـافَظْ تَحْـتْ الْمَخْـفُوظْ رَايَـقْ لْمَنْ يْرِيقْ

*

ظَـاهَـرْ يَــا سِــيــدْ ارْيَــاقِــي

تَلـْمِيدْ لْكُـلْ فْصِـيحْ مَنْ جَالَسْـنِي عْبـِيقْ

*

نَـهْــدِي مَــزْحِــي وَ حْــذَاقِــي

خَـالَـدْ قَـالْ النَّـظْمْ مَا خْـفَى يَا عْشِـيقْ

*

لاَقِــــي يَـــا رَبِّـــي لاَقِـــي

تَمَّتْ