Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

وله ايضا رحمه الله قصيدة عجيبة يمدح بها فصل الربيع :

هَدَّة

جَاتْ ايَّامْ الْخِيرْ نَغَنْمُوا فَرْحَة وَ نْزَاهَا

غَـاثْ الْعْـبَـادْ بَالْهَـنَا الْمَـالِـكْ الْقَـادَرْ

*

مَنْ فَـضْـلْ الْمُـخْتَـارْ سِيدْ الاَنْبِـيَاء طَاهَا

ذَهْـبَـتْ الاَهْـوَالْ مَا بْـقَى قَـلْبْ مْغَـيَّرْ

*

مَنْ بَعْـدْ التَّشْـغِيـبْ كَـامَلْ الْفَرْحْ طْمَـاهَا

زَڤْـلَـمْ رَعْـدْ الْجَوْ كِي الاَمْوَاجْ إِذَا يَهْـدَرْ

*

وَ رْكَـبْ غَيْمْ الْفَلْـكْ وَ السّْتَـارَاتْ رْمَـاهَا

وَ مْـزَجْ سَاحَـجْ مَثْلْ هَيْـلاَتْ عْصَـاكَرْ

*

بَالْحَـسّْ مْـعَ الْغُـزْرْ مَـنْ عُـلْوْ سْـمَاهَا

وَ بْـرُوقْ يْـشَالُوا تْڤُولْ ذَاكْ عْـلِي حَيْـدَرْ

*

فَى اللِّيـلْ وْرَى الْمْحَـالْ شَالْ سِيفُـه وْرَاهَا

وَ اغْلَـقْ مَا بِينْ الاَرْضْ وَ السّْمَا غَيْمْ مْكَدَّرْ

*

كُلْ الْمُهْـمِدَاتْ بْكَـاتْ وَ تْفَـجَّـرْ مَـاهَـا

فَصْـلْ ايَّامُـه ذَا الرّْبِيعْ مَنْ الْفَرْدُوسْ ظْهَرْ

*

جَـاتْ ايَّـامْ الْخِيرْ نَغَّنْـمُوا فَرْحَـة وَ نْزَاهَا

فْرَاشْ

غَـاثْ عْـبَـادُه بَالاْمْـطَارْ مُـولاَنَا فَـرَّجْ

*

جَـاتْ ايَّـامْ الْخِـيرْ نَغَّنْـمُوا زَهْوْ وُ فُرْجَة

رْكَـبْ بَعْدْ الصَّحْـوْ غَيْـمْ وَ رْعَـدْ رَبْرَجْ

*

زَامْ فَصْلُـه قْرِيـبْ فَيَّـقْ هْـدِيرْ الْمُـوجَة

وَ نْـهَطْلَتْ الاَمْطَارْ فُوڤْ الاَبْـطَاحْ تْعَـجَّجْ

*

وَ ضْحَاتْ الرَّوْضَـاتْ مَنْ خْصَامُه فِي هَيْجَة

رَڤْصَـتْ كُـلْ ادْوَاحْ فِيهُـمْ الرِّيـحْ تْفَـوَّجْ

*

وَ بْـكَـاتْ سْـلاَسِـيلْ ذَاكْ لْـهَـذَا جَـا

وَ نْهَـزَّتْ الاَغْـصَانْ ذَا لْـذَا دَايَخْ يَحْـرَجْ

*

صَفَّڤْ بَالتَّسْـبِيحْ كَانْ عَـنْ الْمَـاء يَلْـجَـا

صَبْحَـتْ كُـلْ عْـشُوبْ بَنْـوَاوِيرْ مْتَـوَّجْ

*

بَعْـمَايَمْ شَـلَّـة تْصِيـفْ وَ نْـوَارْ بْـهِيجَة

كَمَّنْ شَعْبَة فَى الْمَخَاتَلْ بْكَاتْ بْكَاهَا

هَدَّة

انْطَبْـخَـتْ وِيـدَانْـهَا وُ هَـاجَتْ نْـوَاهَرْ

*

وَ نْـهَطْلَتْ بَالسِّيـلْ سَـايْرَة عَـنْ فْضَـاهَا

الْبَـعْضْ فَـاضْ مَـاهْ صَارْ لَلْبْحَـرْ مْسَافَرْ

*

سُلْطَـانْ بْڤُومَـانْ هَـدّْ لَنْجُـوعْ اخْضَـاهَا

تْـلَـوَّى ثُعْبَـانْ مَـاهْ وَ الْبَعْـضْ مْڤَـصَّرْ

*

وَ نْـشَـرْ الاَمْـيَـاهْ كُلْ بَـيْـدَا وَضَّـاهَـا

وَ رْعَـدْ زَامْ زَلْـزَلْ مْـسَـاهَـلْ وَ وْعَـرْ

*

وَ بَـرْقْ يْـشَـالِـي يْـهَـذَّلْ الْعَيْنْ ضْيَاهَا

يَشْهَـلْ كُلْ غْـمِيضْ مَنْ بْهَـاهُمْ كِي يَزْهَرْ

*

جَـاتْ ايَّـامْ الْخِيـرْ نَغَّـنْمُوا فَرْحَة وَ نْزَاهَا

فْرَاشْ

جَـاتْ ايَّـامْ الْخِيـرْ مَنْ فَضْـلْ طَاهَ الْمَكِّي

*

وَ اعْـطَى رَبِّي الْخِيـرْ الاَهْـوَالْ انْتَـرْكُوا

بَـاتْ الْوَرْقْ الْعْـزِيزْ بَـقْطَـارُه يَـبْـكِي

*

وَ انْهَطْـلَتْ الاَمْطَـارْ كُـلْ وَادْ الْمَاء هَلْكُه

بَعْدْ حْطَـامْ الاَرْضْ دَارَتْ الشُهْـرَة تَحْـكِي

*

عَـادْ الْجَـدْبْ سْرِيـسْ وَ لْتْبَسْ حَلَّة اشْوَاكُه

وَ الْوَرْدْ الْمَـهْـمَاجْ تَوَّجْ مْـثِيـلْ تْرِيـكِي

*

تَـاجْ احْمَـرْ وَ خْـيُوطْ فِيهْ دِبَاجْ اشْتَـرْكُوا

لَبَّسْ مُولاَنَا الاَرْضْ حَلَّة وَ كْسَاهَا

هَدَّة

لَبْـسَتْ كُـلْ انْـوَارْ كَالْعْـرُوسَـة مَشَّـهَّرْ

*

بَثْـيَابْ الدِّيـبَـاجْ حَـانْـطَة عَنْ بْهَـاهَـا

خَـوْلَـة عَـذْرَاوِي وُ هَاجَتْ عْلَى فَحْلْ ذْكَرْ

*

بَالـنَّظْـرَة تَـسْبِـي عْـقَـلْ مَنْ يْـرَاهَـا

مَـنْ سَايَـرْ لَلْوَانْ ڤَاسَتْ عْلَى ثَوْبْ اخْـضَرْ

*

بَـرْزَتْ يَا عُـذَّالْ كُـلْ تُحْـفَة فِي جِيـهَة

بَعْـدْ حْـطَـامْ الاَرْضْ قَاسَـتْ بْفَحْلْ الْكَوْثَرْ

*

فـَتْحَـتْ كُلْ عْـشُوبْ تَوّْجَـتْ فُوڤْ اعْلاَهَا

نَـزْهَـة لَلْعُـرْبَانْ فِي مْوَطَـنْـهَا تَـنْظُـرْ

*

جَـاتْ ايَّـامْ الْخِيـرْ نَغَّنْـمُوا فَرْحَة وَ نْزَاهَة

فْرَاشْ

جَـاتْ ايَّـامْ الْخَيْـرْ وَدّْنَـا جَـلْ جْـلاَلُـه

*

لَـبْسَـتْ يَا عُشَّـاقْ الاَرْضْ بْعَـشْبَة حَـلَّة

وَ شْـوَايَفْ نَعْـنِي بْمَلْفْ مُـورِي يَكْحَـالُوا

*

بَـانْ يْـزَارُه بْـعِيـدْ تَـحْكِيـهُـمْ نِـيلَـة

وَ فْـتَحْ كُلْ انْـوَارْ تَـاڤْ مَنْ غُمْـدْ كْمَـالُه

*

نُـوعْ الْخَـبُورْ مَـثْـلْ يَـبْـرِيـزْ تْـلاَلاَ

وَ السَّنْبَـلْ طَـبْعْ النَّـوَارْ الاَطْـبَاعْ ڤْبَـالُه

*

الـدِّيـدِي وَ الـزَّهْـرْ بَـارْيَـاحُه تَـشَّالاَ

فُـرْجَـة حِينْ يْـمُوجْ ذَا لْـذَا مَنْ تَهْـوَالُه

*

مَـخْلُوجْ مْنَ الرِّيـحْ فِي اغْـصَانُه يَتْـخَالاَ

بَالنَّعْـمَانْ عْـلَى مْوَاضَـعْ ارْصَـى بَجْلاَلُه

*

ثُوبْ احْمَـرْ مَغْـطُوسْ نَشْـرُوهْ الْغَـسَّـالَة

انْـظُرْ شَـلَّى تْشُـوفْ فِي الاَرْضْ بْحَـالُه

*

حِـينْ كْسَـاهَا خَـالَـقْ الْخْلاَيَـقْ تَعَـالَى

جَبْدَتْ صَنْْفْ بْصَنْفْ فَى النَّوَاوِيرْ اعْلاَهَا

هَدَّة

تَعْـنِي زَرْبِـيَاتْ فِي بْسَـاطْ مَلِيـكْ الْأَكْبَـرْ

*

فِي نَظْـرْ الْأَلْـوَانْ يَـهْـذَلْ الِّي يَشْـفَـاهَا

يَعْبَقْ فِيهْ طِِيبْ مَنْ احْمَرْ وَ ابْيَـضْ وَ اصْفَرْ

*

وَ ازْرَقْ طْبَـعْ الاَرْضْ وَ ظْهَـرْ اعْـلاَهَا

نْوَاهَـرْ تَضْحَكْ بْسِيـلْ وَ رْيَـاحْ تْصَرْصَرْ

*

تَـرْقُصْ كُـلْ عْـشُـوبْ ذَا لْهَـذَا بَهْـوَاهَا

طَافَـحْ نُـوَّارْ عْـشِيَة مْثِـيلْ فَرْسَانْ الْمَيْمَرْ

*

وَ الْعَـذْبَة مَرْكُـوضْ صَاڤَـتْ الْڤُـومْ عْلِيهَا

وَ النَّسْـرِي بَاهِـي بْهَيْـجْتُه فُـوڤْ مْنَـايَرْ

*

مَـثْلْ نْجُـومْ الدّْجَـى تَْصَفَّـڤْ بَضْـيَـاهَا

فِي لِيـلَةْ عَشْـرِينْ بِهُـمْ الْعَسَّـاسْ اشْـڤَرْ

*

وَلَّـى ثْـرِيَّـة وُ زَادْ بَـلاَّرْ ضْـوَاهَـا

وَ التَّنْـسِيـمْ بْطِـيبْ مَنْ عْبَـايَقْ كُلْ زْهَـرْ

*

جَاتْ ايَّـامْ الْخِيرْ نَغَّنْـمُوا فَرْحَـة وَ نْـزَاهَا

فْرَاشْ

وَ انْـفََتْحَتْ الاَنْـوَارْ كُلْ صَنْفْ عْلَى صَنْفُه

*

هَـاجَتْ الْبِيـدَا عْلَى عْبَـايَقْ كُـلْ عْـفَـا

وَ دْوَاحْ الرَّوْضَـاتْ فُوڤْ الاَغْصَـانْ تْعَفُّوا

*

بَالْهَمَّة وَ الْحَـلْيْ خَـلَّوا الاَعْـرَاصْ نْضِيفَة

وَ صْـرَاوَلْ وَاقْـفَة عْلَى اسْجَارْ عْلِيهُمْ حَافُوا

*

مَثْلْ صْوَامَـعْ ظَاهْرَة يَا اصْحَـابْ الْمَعْـرِفَة

كَـذَلِكْ الْيَاسْـمِينْ يَبْـهَـضْ مَنْ شَـافُـه

*

وَ الْبُـرّْ الْحُـرّْ زِيـنْ أَرْضُـه مَـتْعَـفَّـة

لَـبْـسَتْ عْـلَـى لْبَاسُـه بْتِـيهْ اوْصَـافُه

*

يَهْذََلْ بَصْـرْ الْعْشِيقْ فِي بْهَاهَـا وَ ضْـرَافَة

رَقْـصَتْ كُلْ ادْوَاحْ وَ الزَّهْـرْ شَالْ اعْرَافُـه

*

تَـحْسَبْ دِينَـارْ عْـلَى اغْصَـانُه بَضْـرَافَة

وَ النَّحْـلْ عْلَى الصّْبَاحْ بَانْ يَرْعَى فِي طَرْفُه

*

زَاهِـي بَالتَّسْـبِيـحْ طَابْـعَـهْ طَيْ الْعَطْـفَة

وَ اطْيَارْ تْسَلِّى القْلُوبْ فِي حُسْنْ لْغَاهَا

هَدَّة

بَطْبَـايَعْ وَ طْبُوعْ فَـازَتْ عْـلَى كُـلْ وْكَرْ

*

اكْـوَانْ مَنْ كَـوْنْ الْخْـلاَيَـقْ اعْـطَـاهَا

بَالْجُـمْلَة يَلْـغَوا عْلَى عْمَـايَمْ كُلْ سْجَـرْ

*

وَ تْخَـاصَمْ رَوْضَـاتْ مَنْ اصْـوَاتْ مْعَانِيهَا

يَنْـفُوا التَّكْدِيسْ كَـانْ فِي ضَـيْقْ خْـوَاطَرْ

*

نَـزْهَة فَى الرَّوْضَة لْمَنْ عْشَـقْ وَ اخْضَاهَا

كُـلْ لِيلَـة وَ نْهَارْ يَشَّكْـرُوا نِعْـمْ الْقَـادَرْ

*

بَلْغَـاهَا فِي الاَغْصَـانْ مَخْتْـلَفْ هْـوَاهَـا

ذَاكْ يْـجَـاوَبْ ذَا الْڤَـلْبْ مَنْـهُمْ يَتْـفَـهَّرْ

*

وَ تْخَـبَّلْ الْعْقُـولْ اُمّْ الاَحْسَـنْ بَلْغَـاهَـا

نَـعْنِي عَـذْرَاء وَ بْـذِيقَـةْ الـرُّوحْ مْحَـيَّرْ

*

مَنْ الْحُبّْ وُ بَالْعَشْقْ ضَاعَتْ بْشُوقْ ضْمَاهَا

وَ الْمُـولُـوعْ الْعْشِيـقْ بَكْـيُـوسْ تْخَـمَّرْ

*

بِـهْ حَـالْ الْغُـرَامْ جَـابْ نَـارُه وَ كْـوَاهَا

بَصْـوَاتْ التَّسْبِيـحْ زَاهْـيَة فُـوْڤْ مْنَـابَرْ

*

وَ غْصَـانْ مْنَ الرِّيـحْ ذَا عْـلَى هَـذَا جَاهَا

وَ الْبَلْـبَلْ مَسْـكِينْ صَـاحْ وَ خْـلاَڤُه تَجْهَرْ

*

تَعْنِي شِيـخْ صْنِيـعْ فِي مْـنَـازَهْ سَـلاَّهَـا

فِي فُـرْجَـة بِيدِيـهْ خَبَّـلْ نَغْـمَـاتْ وْتَـرْ

*

هَـاجَتْ بِهْ عْـقُـولْ وَ الْمْحَـايَنْ جْـلاَهَـا

طْـرَحْ قْـلُـوبْ حِيـنْ بَـصْوَاتُـه يَشْـعَرْ

*

جَـاتْ ايَّامْ الْخِيـرْ نَغَّنْمُوا فَرْحَـة وَ نْـزَاهَة

فْرَاشْ

وَ يْهِيجُـوا الاَحْوَالْ مَثْـلْ حَالِي يَا فُصْـحَة

*

مَاحْـسَنْهُمْ بَصْـوَاتْ وَ صْيَـاحْ إِذَا صَاحُوا

وَ الْحَـرْمَلْ بَاصْـوَاتْ جَاوْبُه فُوڤْ الدَّوْحَـة

*

يْسَـلِّي عْقَلْ مَنْ اصْـغَى وَ لَڤََّـطْ تَرْشَـاحُه

وَ الْمَعْـشُوقْ يهِيـجْ مَنْ غْـرَامُه فِي ڤُرْحَـة

*

وَ الْفَاخَـتْ مَدْبُـولْ يَا بْـنِي ذَاقَـتْ رُوحُـه

طَـبْعُه صُوتْ الْحْمَامْ فَى الْمْعَانِي وَ الصَّيْحَة

*

مَنْ طُـولْ الدّْجَـى حَتَّى يْعَـلَّمْ صْبَـاحُـه

تَسْمَـعْ شِي لَغْطَـاتْ يَا بْنِي وَقْتْ الصَّبْحَة

*

وَ الْحَـدَّادْ يْصِيـحْ فِي غْـلاَيَلْ تَـدْوَاحُـه

يْفَـيَّقْ مَنْ نَـامْ فِي فْـرَاشُـه بَالصَّـيْحَـة

*

لَلْحَـيّْ الْقَـيُّـومْ كُـلْ طِيـرْ بْتَـسْـبِيحُـه

وَ اصْوَاتْ السَّمْرِيسْ فُوڤْ لْغَاتْ جْمَعْهَا

هَدَّة

وَ الْجَـحْمُـومْ عْـلَى مْـنَايَـرْ تَتْـبَخْطَـرْ

*

طُفْلَـة مْنَ السُّـودَانْ فِي صْرَايَةْ مُولاَهَا

مَخْـتَلْفَة الاَطْيَـارْ فِي مْعَـانِيـهَـا تَشْعَـرْ

*

نَطْقُـوا فِي الاَغْصَـانْ كُلْ ءَالَـة بَهْـوَاهَـا

وَ رْوَاتْ الْعْـرُوقْ بَالْمْطَـرْ وَ الْوَرْقْ نْشَـرْ

*

صَـارَتْ الْبِيـدَاء بْـنُوعْ الاَزْهَـارْ نْـزَاهَا

فَـصْلْ الرّْبِـيعْ مْزَخْـرَفْ عَامُـه صَـاعَرْ

*

وَ ايَّـامْ الْخِـيـرْ بِيـنْ الاَيَّـامْ سْـنَـاهَـا

عَـنْـدْ عْرَبْ قُـرَيْشْ بِينْ الاَيَّـامْ مْخَـيَّـرْ

*

وَ فْـرَاحَتْ الاَفْـرَاحْ يُومْ رَحْـلَة وَ نْـزَاهَا

بَكْـفَالْ وُ إِبِـلْ كُلْ عَيْـسْ عْـلِيهْ احْـمَـرْ

*

بَحْـرَايَمْ يَعْـنِي بْـنَـاتْ لَعْـرَابْ اَهَّـلْـهَا

بَالْحُسْـنْ جْـمَالْ وَ الْبْـهَـا طَـلاَّتْ قْـمَرْ

*

جَـاتْ ايَّـامْ الْخِيرْ نَغَّنْمُوا فَرْحَة وَ نْـزَاهَـة

فْرَاشْ

تَايْـهَة فِي لَحْـرَاجْ يُومْ تَخْـرُجْ تَزَّعْـزَعْ

*

يَـنْبْهَـضْ مَنْ شَـافْ كُلْ هَـوْدَجْ بَصْنَـاعُه

وَ حْـرَايَـمْ رُكَّـابْ وَ الْمَهَـاجِيـجْ تْدَفَّـعْ

*

وَ نْـوَاقِـيسْ تْـصِيـحْ وَ الْحْـفَافِِينْ اتْبَـاعُه

وَ خْيُـولْ يْوَاتُـوا الْفَرْصْـنَة كُـلْ مْـوَلَّـعْ

*

فِي كَمَّـنْ عَـلْفَة كْـحِيلْ يَخْـرُجْ تَڤْـرَاعُه

مَـنْ الْبُـعْدْ تْبَـانْ الْبْـنَـادْقْ تَـتْـلاَمَـعْ

*

وَ خْيُـولْ التَّـطْرَاحْ بَالسّْـلاَحَـاتْ انْطَبْعُوا

أُمَّـاتْ الْمُخْـتَارْ غُـرَّةْ النَّـجْـمْ الطَّـالَـعْ

*

مَنْ بَعْـدْ الْعُـرْبَانْ كُلْ مَنْ يَزْهُـو بَـدْعُوا

وَ حْـرَايَمْ لَحْـرَاجْ كُلْ هَـيْـفَة مَصَّـنَّـعْ

*

بَالْفِيـنَـة وَ الدّْبَـاجْ وَ شْكَـرْنَـطْ بَانْـوَاعُه

عَرْبْ الْعُزّْ الْعَامْلِينْ نَجْدَة بَجْدَاهَا

هَدَّة

الْحَـمْـدُ لِلَّهْ مَـنْ فْـضَايَـلْ الطَّـاهَـرْ

*

ارْحَـمْـنَا رَبِّـي وُ سَاعَـةْ الْهَـوْلْ ادَّاهَـا

وَ نْكَشْفَـتْ الاَكْـرَابْ مَـا بْـقَى قَلْبْ مْكَشَّرْ

*

بَعْدْ انْ يَبْسَتْ الاَرْضْ كَامَـلْ الْعْشَـبْ فْدَاهَا

خُوضْ كْـبَيَة مَلْـفَ مَنْ صْنَـعْهَا مَا يَفْـخُرْ

*

بَالْعَـلْـمْ وَ الْعْـقَـلْ عَبْـدْ رَبَّـهْ سَـدَّاهَـا

خَـالَدْ يَسَّـمَّى إِذَا دْرَڤْ نَـظْمُـه حَـاضَـرْ

*

بِيـنْ الْعُـشَّاقْ صِِـيغَـةْ الْفَـرْحْ اهْـدَاهَـا

غْـزَلْ شُـغْلُـه رْقِـيقْ وَ النَّسِيـجْ مْعَـزَّرْ

*

جَـاتْ ايَّامْ الْخِيرْ نَغَّنْـمُوا فَرْحَـة وَ نْـزَاهَة

فْرَاشْ

حَـلَّة بَـاهِي مْرَوْنْـقَـة مَصْنُوعَـة فَايَـقْ

*

مْرَصّْـعَة بَالتَّبْـرْ وَ الْجْـوَاهَرْ يَـبَّـرْقُـوا

تَسْـرِي خَمْـرْ رْقِيقْ فِي ضْمِـيرْ الِّي عَاشَقْ

*

صَـافِي عَذْبْ تْحَيَّـرْ الْحْسُـودْ وُ يَحْمَـاقُوا

حِيـنْ اعْطَانِي خَالْقِي فَضْلْ مَنْ عُنْصُرْ غَامَقْ

*

الْمَعْشُـوقِينْ يْسَـالُوا عْـلِيهْ شَلَّـى يَشْتَـاقُوا

بَالْعَنْـبَـرْ وَ الْمَسْـكْ دَايَـمْ نْسِيمُـه يَعْـبَقْ

*

مَنْ يَغْـرَفْ طَاصَـة يْـزِيدْ بَالْعَشْقْ اشْوَاقُه

أَنَـا عَـبْـدْ الله مَـنْ عْـبِـيدْ الْخَـالَـقْ

*

مَـنْ سَايَرْ الاَسْـلاَمْ كُلْ سِيـدْ اكْـلَى حَـقُّه

مَا بِينْ نْجُوعْ كُلْ بُلْدَانْ هْوَاهَا

هَدَّة

وَ رْزَقْـنِي رَبِّي ذَا الْفَضْـلْ هُوَ نِعْمْ النَّاصَرْ

*

وَ الْحُـرْمَة لَلْمَـرْوْ قَوْلْ نَسْـبُـه وَتَـاهَـا

أَصْـلِي يَا سَايَـلْ مَنْ اشْـرَافْ بْنِي عَامَـرْ

*

وَ الْعَـالَـمْ رَبِّـي بْنَطَّـفْـتُه يُومْ انْشَـاهَـا

 

الْحَـمْدُ لِلَّهْ الْـذِي وَدّْنَـا فَضْـلاً طَـاهَـرْ

*

وَ خْـرَجْنَـا مَنْ الْهَـزْلْ يَا مْقَلَّـدْ مَعْنَـاهَا

فِـي كَـمْ مَـنْ حَـلَّة يْحِـيرْ مَنْهُ مَتْمَـهَّـرْ

*

يَـرَى سَـرّْ عْجِـيبْ فِي بْهَـاهَا وَ صْفَـاهَا

بَالْعَـسْجَدْ وَ اللَّجِـينْ مَطْـرُوزَة بَـعْـبَـرْ

*

فِي كُـلْ قَسْمَـة مَتْحُوفْ وَ الْكَعْـبْ انْهَـاهَا

فِيهَـا كُـلْ عْـقُـولْ يَـرْوُوا تَـتْـفَهَّـرْ

*

ءَاجِـي يَا مَـعْشُـوقْ ذَا الرّْبِيـعِيَّة تَـرَاهَا

تَمَّتْ