Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

 
 
 
 

كتب كراسك، 2007، ص.147-149، ردمك 3-26-813-9961-978 | نص كامل


 

 

 

أحمد أمين دلاي

 
 

و له ايضا رحمه الله على الشمعة :

هَدَّة

عْلاَشِي فِي لَغْـبَانْ * لِيعْتَكْ زَادَتْ لِي لَمْحَانْ

*

بَعْدْ انْفَطْـسُوا لَحْزَانْ * مَنْ هْمُومَـكْ لِيَ دَارُوا

يَا شَمْعَة بَكْوَكْ طَالْ وَ انْحْرَقْ غُصْنَكْ مَنْ نَارُ

يَا مَنْ بِكْ السِّيوَانْ * يَنْطْبَعْ فِي كَمْ مَنْ دِيوَانْ

*

حَتَّى دَاجَـكْ يْبَانْ * يَرْتْـمَى مَنْ شَمْـسْ نْهَارُ

بِكْ اصْحَابْ الفُرْقَانْ * فَى اللَّيَالِي يَتْلُوا الْقُرْءَانْ

*

يَتْـرَجُّوا فَى الْجَنَـانْ * صُوتْـهُمْ يَخْلَجْ بَجْهَارُ

بِكْ مْشَايَخْ الاَدْيَـانْ * يَنْسْخُـوا عُلُومْ الْبَيَـانْ

*

اصْـطَفَهُمْ الرَّحْمَـانْ * حَازْهُمْ مَنْ دُونْ بْشَارُ

فْرَاشْ

يَا شَمْعَة بَكْوَكْ طَالْ *وَانْحْرَقْ غُصْنَكْ بَالْمَشْعَالْ

*

حَالَكْ مَا مَثْلُه حَالْ *مْنَ الْعْذَابْ دْمُوعَكْ سَالُوا

دَرْتِي لَلنَّفْسْ جْلاَلْ * دَايَمْ عْلَى خَدَّكْ هَوْطَالْ

*

وُ مَنَّكْ زَدْتْ اهْـوَالْ * هَكْذَاكْ الْقَلْبْ صْرَى لُو

مَنْ بَعْدْ نْسِيتْ اشْحَالْ * دَمْعْتِي فَاضَتْ مَنْ الاَنْجَالْ

*

وَ طْعَنْ قَلْبِي مَشْعَالْ * وَ الْحَرْقْ فِي وَسْطْ ادْخَالُو

نْرَاعِي فِي الاَفْصَالْ * مَا نْسَالْ وُ لاَ حَدْ يْسَالْ

*

غْرِيبْ بْلاَ رِجَـالْ *وَاشْ مَنْ فَـرْحَة فِي بَالُه

وَاشْ عْرَفْ مَنْ لاَ جَالْ * مَا عْمَلْ بِينْ النَّاسْ خْصَالْ

*

مَا شَعْـرُوا بِهْ اقْوَالْ * يَنْدْفَنْ هُـوَ وَ افْـعاَلُه

وَاشْ عْرَفْ مَنْ لاَ جَالْ * مَا عْرَفْ لَلْأَشْيَاء تَفْصَالْ

*

لُو عَـاشْ كْثَرْ مَا زَالْ * سُورْتُـه كَمَثْلْ خْيَالُه

مَا نَالُوهْ وُ لاَ نَالْ *غَرْسْ رَادِي مَا فِيهْ ضْلاَلْ

*

لاَ غَـلَّة وَ لاَ مَـالْ * هَايَنْ بْدِينُـه وَ بْحَـالُه

 

بْكَاكْ الاَّ مِثَالْ * هَكْـذَا مَنْ زَارُوهْ اهْـوَالْ

*

الْحُـبّْ مْعَ الاَشْغَالْ * يَنْدْمَرْ وُ يَشَّـطَّنْ حَالُـه

فْرَاشْ

يَا شَمْعَة دَمْعَكْ سَاحْ * مَنْ خْدُودَكْ فَى الْحَسْكَة طَاحْ

*

نُـورَكْ لَبْدَة وَضَّاحْ * مَا طْفَى وَانْتِ فِي ڤُرْحَة

مَا عَمْـلُوا لِكْ صْلاَحْ * زَايْدَة تَبْكِي بْلاَ تَنْوَاحْ

*

زَعْمَة صَايَرْ لَكْ شْبَاحْ * مَا تْشُـوفِي مَنُّه رَاحَة

بَاقِي ثَاڤَـبْ مَصْبَاحْ * فِي بْلاَدِي بِينْ الْجِيَّاحْ

*

رُوحِي بِينْ الاَرْوَاحْ * بَاقْيَة وْ عَدْمَـتْ الصَّحَة

النَّاسْ تْـبَانْ مْلاَحْ * كِالْحْيُوطْ عْلِيهُمْ رَمَّـاحْ

*

لُو تَدْرَكْهُمْ الاَفْرَاحْ * لاَ وْذَنْ لاَ خَاطَرْ يَصْحَى

يَا شَمْعَة بَكْوَكْ طَالْ وَ انْحْرَقْ غُصْنَكْ مَنْ نَار ُ

هَدَّة

يَا مَنْ بِكْ الصَّهْرَانْ * يَنْطْبَعْ فِي كَمَّـنْ دِيوَانْ

*

إِذَا ڤَـلْبُـه عَطْـشَانْ * يَنْـظُرْ حْبِيبُه بَابْصَارُ

بِكْ ارْيَامْ وُ شُبَّانْ * يَغَّنْـمُوا فَرْحَةْ كُلْ زْمَانْ

*

يَتْلاَڤُوا غِيرْ اخْـوَانْ * مَـنْ عْوَاذَلْهُمْ يَنْسَتْرُوا

أُسُـدْ مْعَ غُزْلاَنْ * بالْمْـدَامْ وُ غَيّْ الرِّيسَانْ

*

مَا يَـدَّخْلُوا عَدْيَـانْ * كُلْ كَـنْـزْ مْعَ عَـقَّارُ

طِـيرْ ڤْبَالُه كَرْوَانْ * مَنْ حْلُولْ الْقِيمَة تَرْزَانْ

*

بْهَـاهُمْ كَالوَمَّـانْ * بِكْ يَا شَمْـعَة يَصَّـهْرُوا

فْرَاشْ

يَا شَمْعَة لِيلَكْ فَاتْ * سُورْتَكْ مَنْ نُورَكْ مْضَاتْ

*

اڤْـصَارَتْ بَعْدْ عْلاَتْ * دَمْعْهَا لَلْڤُـرْبْ رْمَاتُ

يَا مَنْ يَنْسَاغُوا لَكْ قْنَاتْ * فَى اللَّيَالِي بَالصَّهْرْ تْبَاتْ

*

جَالْسِيـنْ مْعَ الْبْنَـاتْ * غَانْمِينْ الزَّهْوْ وُ وَقْتُه

 

بِكْ مْشَـايَخْ غَنَّاتْ * بِينْ رْجَالْ الزَّهْوْ زْهَاتْ

*

بَڤْصَبْ صْيَاغْ دْوَاتْ * شِيخْهُمْ يَخْلَجْ فِي صُوتُه

مْحَايَنْ ڤَلْبِي جَـاتْ * مَا مْشَـاوْ عْلِيَّ لِيعَـاتْ

*

جَسْدِي بَالضُّرّْ فْنَاتْ * غَابْ ظَنِّي لِيسْ جْبَرْتُه

يَا شَمْعَة بَكْوَكْ طَالْ وَ انْحْرَقْ غُصْنَكْ مَنْ نَارُ

هَدَّة

يَا شَمْعَة ذَا مَا كَانْ * مَنْ احْبَابِي عَاهَدْهُمْ خَانْ

*

مَـا جَا مَنْـهُمْ عَلْوَانْ * حَـدْ مَا يَدْرَكْنِي خَبْرُ

رَاهْ دْخَلْهُمْ شِيطَانْ * مْنَ الْجْفَاء شَرَّبْهُمْ كِيسَانْ

*

ادَّاهُـمْ النَّسْـيَانْ * مَنْ يْغِـيبْ غَيَّـبْ ذَكْـرُ

الصُّحْبَـة فَى اللِّسَانْ * مَا تْشُقْ خْوَاطَـرْ تَلْيَانْ

*

مْـحَبَّةْ ذَا الزَّمَانْ * غِيرْ فِي سَـاعَة يَخَّسْرُوا

إِذَا تْبَعَّـدْهُمْ بُلْـدَانْ * يَنْكْرُوا تَحْسَبْهُـمْ عَدْيَانْ

*

تَذْهَبْ ضَحْكَةْ الاَسْنَانْ * عَوْضْ مَا شَافُوا مَا رُوا

يَا شَمْـعَة ذَا مَا كَانْ * مَا يْدُومْ الاَّ الله سُبْحَانْ

*

مَا يَـبْقُوا لَكْ عُشْرَانْ * تَمّْ خَالَدْ نَظْـمْ اشْعَارُ

الْحَالْ قْـرِيبْ يْبَانْ * مَا يْضُوڤْ مْنَامْ الْغَيْضَانْ

*

مَثْلْ الْڤُمْرِي ڤَيْطَانْ * عَـادَمْ عَشْرَاوَتُه طَارُوا

تَمَّتْ