Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

 

كتب كراسك، 2007، ص.74-78، ردمك 3-26-813-9961-978 | نص كامل


 

 

 

أحمد أمين دلاي

 

 
 

و له أيضا في مدح الفقيه الشيخ السيد الحاج عبد القادر:

هَدَّة

مَنْ جَـا مَنْ الصَّحْنْ نْـسَـالُه

عْلَى يَـنْـبُـوعْ الْجُودْ وَ الْجَـدَة وَ النَّـوَالْ

*

مَــفْــتَـاحْ الْـغَـرْبْ وُ فَــالُــه

رَحْمَتْ الاَسْلاَمْ اشْـتَاقْـتُه بْـشُوفْ النَّجَـالْ

*

طَــالْ عْــلـِيـهُــم مِـيــجَـالُـه

يَـرْعَـوَهْ رَعْيْ الصَّـايْمِـينْ نَسْخْ الْهْـلاَلْ

*

وَ بْـطَـى فَـى الْـعَــدّْ كْــمَــالُـه

نَتْرَجَّوَهْ يُـومْ الْعِـيدْ يُـومْ بَرْكَة وُ فَــالْ

*

يُـومْ سْــعِــيــدِي بَــافْــضَـالُه

مَعْظَمْ يُـومْ نْـشُـفُـوهْ يَنْشْرَحْ كُلْ حَـالْ

*

يَـصْـحَـى الْـقَـلْـبْ مَنْ تَـهْـوَالُـه

نِيـلْ الْبَـرْكَة وَ الْحَـلْمْ مَاهْ صَـافِي زْلاَلْ

*

مَـــنْ ذَاقُ زَلْ عْــــلاَلُــــه

فْرَاشْ

مَنْ جَا مْنَ الْغَرْبْ نْعَظْمُـوهْ * وَ نْـسَـوّْلُوهْ

*

عْـلَى زَنْـجَارْ عْـدُوهْ * يُـومْ نَطْحْ الْجْبَـاهْ

سَادَاتْ اخْيَارْ يْـلاَحْـضُوهْ * وَ يْـوَاقْـرُوهْ

*

بَنْوَايَهُمْ تَـبْـعُـوهْ * فِي كُلْ غَمْرَة مْعَاهْ

ارْتَفْعُوا مَنْ رَفْعُوهْ * كُلْ شِـي حَصّْـنُـوهْ

*

دِينْ وُ دَنْـيَا جَمْعُـوهْ * طِيبْ حُرْمَة وْ جَـاهْ

انْدَرْكَتْ بِهْ نْزُوهْ * لَـلْـذِي وَافْـقُــوهْ

*

وَ انْدَمْـرَتْ بِـهْ كْـرُوهْ * دَايْسَة مَـنْ بْـلاَهْ

انْتَصْرُوا مَنْ نَصْرُوهْ * فُوڤْ مَنْ حَـارْبُـوهْ

*

وَ احْمَارَتْ بِهْ وْجُوهْ * نَـايْرَة مَنْ سْـنَـاهْ

فِي كُلْ فْصَلْ نَرْجُوهْ * فَى الْوْطَـنْ نَذَّكْـرُوهْ

*

مَا رَاحُوا مَنْ عَادُوهْ * طَـالْ عَنْهُمْ بْـلاَهْ

 

دِيـمَـة صَـايَـڤْ بَامْـحَـالُـه

هَدَّة


بَمْدَافَعْ تَرْعَدْ وَ الْمْـزَايَـدْ عْلَى الْجْـمَـالْ

*

شَــابَــتْ بَــالسَّــفْـرْ ابْــيَــالُه

غْوَايَطْ تَلْغَطْ وَ الطَّـبُـولْ تَزْعَلْ زْعَـالْ

*

وَ بْــنُـودْ الــنَّــصْـرْ يْــلاَلُـوا

وَ كْتَايَفْ مَـنْـتَـشْرَة تْدَوَّرْ عْلَى الْكْـمَـالْ

*

وَقْــتْ انْ تَــدْيَــاقْ يْــوَالُــوا

وَطْنْ انْ هَــدُّوا لِيهَا يْصَيّْـرُوهَا وْصَـالْ

*

طَــفْــحُـوا بَــارْمَــاحْ وُ صَـالُوا

يَلْـقُوا عَنُّه نَـظْـرْ الْحْمُولْ صَفْرْ الثْـقَـالْ

*

كُــلْ مْــحَــصَّــنْ يَــرْبَــا لُـه

مَفْضَـالْ الاََّ لُو فِي مْـلُوكْ دَهْرُه امْـثَـالْ

*

رَاجَــحْ بِــهُــمْ مَــثْــقَــالُــه

هَدّْ مْدُونْ وُ عُـرْبَانْ وَ الْوْطَـة وَ الْجْبَـالْ

*

وَ مْــلَــكْ عَــنْــوَة بَــنْـصَالُـه

فْرَاشْ

زَلْزَلْهَا شَرْقْ وُ غَرْبْ * وَ الْمْدُنْ وَ الْعْرَبْ

*

وَ الشَّايَفْ وَ الْمَرْڤَبْ * وَ الْوْطَة وَ الشَّعَابْ

وَ ظْهَرْ فَجْرُه رَڤَّبْ * سْنَى صْبَاحُه ثْـڤَبْ

*

طَلْعَتْ شَمْسُه تَلْهَبْ * كْسَاتْ ضَهْبْ الضّْبَابْ

طِيرْ وُ حَامْ وُ جَوَّبْ * عْلَى طْيُورْ الْجْوَبْ

*

رَجْعَتْ لِـيـهْ نْوَايَبْ * مْـهَـرّْسِينْ الرّْقَابْ

كِالثَّعْبَانْ سَّرْسَـبْ * مْعَ الصّْحُورْ انْسْحَبْ

*

بَجْنُودُه تَدَّهْرَبْ * لْعَيْنْ مَاضِي صْوَابْ

رَوَّحْ لِيهَا غَاصَبْ * عْـسَـاكْـرُه تَنْدْعَبْ

*

حَوَّطْ بِهَا وَ نْصَبْ * بْسَاسْطُه وَ الْقْبَابْ

دَلَّحْ عَنْهَا وَ تْغَبْ * سْمُومْ صَهْدْ الْجْعَبْ

*

وَ طْبِيعْ الرُّشْدْ يْصُبْ * كِيفْ مَزْنْ السّْحَابْ

شَـبْـكَـتْ فَى الصُّـورْ رْجَـالُـه

هَدَّة

حَاطُـوا حَوْطَةْ مَقْـيَاسْ بَالْمْدِينَة اشْـبَـالْ

*

مَـا تَــرْكُــوهَـا مَــا قَــالُــوا

فِي تَسْعْ شْهُرْ كْمَالْ مَا ابْطَلْشِي الْقْتَالْ

*

يَــبْــغَـمْ فِـيـهَـا صَــلْـصَـالُـه

فِـي كُـلْ نْهَـارْ طْـرَادْ وَ اللَّيَـالِ كْمَـالْ

*

مَـنْ يَــخْــرُجْ ذَاكْ أَجَــالُــه

حَـامْ عْـلِـيهَا ثُعْبَانْ لَفْ كُـلْ الْـغْـوَالْ

*

مَــا يَـنْـجَــى مَـنْ يَــهْــوَى لُـه

فْرَاشْ

اطْلَبْهَا لَلْـبَـيْـعَة * وُ صَابْـهَا مَـانْـعَـة

*

وَ غْنَاتْ عْلَى السَّمْعَة * وُ لاََ رْضَاتْشِي تْطِيعْ

حَـاطَـتْ بِهَا ليِـعَـة * سْـمُـومْهَا قَاطْعَة

*

وَ مْـدَافَـعْ بَـوَّاعَة * يْـرَهّْبُـوا بَالسّْـمِيعْ

مْـدِيـنَـة مَشْـنُوعَة * عْلَى الْمْدُنْ شَـايْعَة

*

لَلْـمُـلُـوكْ مْـنِـيعَة * لْمَنْ يْجِي مَا تْرِيعْ

حُصْنْ مْحَـصَّـنْ قَلْعَة * بْحَرْبْ مَتْوَلْعَة

*

مَا خَافَتْ مْنَ الرَّوْعَة * مْضَارْيَة بَالصّْدِيعْ

مَنْ جَـاهَا مَا يَـسْعَى * سْـمُـومْـهَا لاَكْعَة

*

فِي حَـجْرَة كَاللَّفْـعَـة * تْرِيـدْ غِيرْ اللَّسِيعْ

جَاهَا ثُـعْبَانْ سْعَى * مْـدُونْ مَـتْـرَفْـعَـة

*

مَا عَنْدُه مَا يَـرْعَـى * الاَّ صْـدِيـعْ الرّْفِيعْ

نْسَاهَا مَخْـلُوعَـة * دْمُوعْـهَا فَـايْـعَـة

*

وَ ذْرَارِي مَفْـڤُـوعَة * فْطِيمْهَا وَ الرّْضِيعْ

رَجْـعَـتْ بَـعْدْ الْـمَنْعَة * رْجَالْهَا خَاضْعَة

*

وَ تْـنَـادِي بَالطَّاعَة * بْـدَرْكْ حَالْ الْوْضِيعْ

 

مَـا جَـا ذَا الشِّي فِـي بَـالُـه

هَدَّة

يَخْلِيهَا يَخْـلُوهَا مْـطَـوّْعِـينْ الـرّْجَـالْ

*

رَاهُــــمْ لِــيـــهَا مَــا زَالُــوا

يَخْـلُوهَا لُو زَعْـمَة يْطُـولْ بِهَـا الْحَـالْ

*

مَــنْــصُــورْ الله اعْـطَـى لُـه

اخْـلَـى بَلْدْ الْجِـدَارْ رَجْعَتْ اهْـلُـهْ ذْلاَلْ

*

صَـارَتْ تَـحْـتُـه تَــهْــدِي لُــه

وَ عْيَى الْمَشْورْ بَاحْمَاقْتُه صْـوَارُه طْـوَالْ

*

وَ كْـلَـحْ وَ رْشَـاتْ احْــبَــالُــه

وَ اشَّــرْتَـلْ شَمْلُه وُ ذَاقْ سَـمّْ النَّـكَـالْ

*

وَ طْــمَــاهْ الْــهَــمّْ لْــفَـى لُـه

فْرَاشْ

مَضَّى مَاضِي وَ امْضَى * اصْوَارْهَا لَلْمْضَة

*

وَ رْكَضْهَا رَكْضَة * مَا بْقَى لْهَا مَا تْـفِـيضْ

فَاضْ عْلِيهَا فَيْضَة * بْجَيْشْ غَطَّى الْفْضَا

*

وَ رْضَاتْ بْغِيرْ رْضَا * بَطَّـلَتْ كُلْ غَيْضْ

احْرَقْهَا بَشْوَاضَة * وُ نَارْ حَرّْ اللَّضَة

*

وَ ابْغَضْهَا بَغْضَة * شَاضَّة بْشَدّْ الْبْغِيضْ

وَ خْفَـضْـهَا خَـفْضَة * بَالْعْوَامَلْ الْخَافْضَة

*

وانْـتَرْكَتْ مَخْفُوضَة * عْلَى الدّْوَامْ الْعْرِيضْ

وَ اتْـرَكْـهَا عَـيْـضَـة * لَلْسُونْ مَتْعَرّْضَة

*

وَ انْدَرْكَـتْ مَنْـقُـوضَة * اسْتَاجْبَتْ لَلنَّقِيضْ

مَـا دَارْ مْـلِـيـكْ بْـحَـالُـه

هَدَّة

هَجَّلْ مِـيـرَاتْ فْـتَـانْ مَـايْحَـاتْ الدّْلاَلْ

*

مَـنْ قَـــوْمْ الاَّ تَـصْـغَـى لُــه

وُ أَيَّمْ عُـلْجَاتْ مْدَوّْخَـاتْ ضُمْرْ طْــوَالْ

*

بَـارْمَـاڤْ شْـهُـــولْ ذْبَــالُــوا

وَ خْلَجْهُمْ تُـرْكِـيَـاتْ شَارْبَـاتْ الْهْـبَـالْ

*

لَـبَّـسْـهَـا مْـنَ الْـهَـمّْ كْـحَـالُــه

مَفْضَـالْ مْأَيَّـدْ ءَاهْـيَة مَنْ اَهْـلْ الْكُمَـالْ

*

يَـفْـخَـرْ وَ الْـفُـخْـرْ الاَّ لُــــــه

النَّـاظَـمْ بَنْ حَــوَّاء الطَّاهَرْ إِذَا تْـسَـالْ

*

يَـشْـكُـرْ سَــيَّــدْ مَــنْ ءَالُــــه

مَنْ نَسْـلْ الْمُصْطَفَى شْرِيفْ رَحْمَة وْفَـالْ

*

عَــبْـدْ الْــقَـادَرْ تَـصْــغَـى لُــه

تَمَّتْ