Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

 

كتب كراسك، 2007، ص.70-73، ردمك 3-26-813-9961-978 | نص كامل


 

 

 

أحمد أمين دلاي

 

 

و له ايضا في مدح العلامة الشريف الشيخ السيد الحاج عبد القادر:

هَدَّة

مَـايْنَة لَلنُّـورْ الْوَهَّـاجْ حْرِيرْ الاَنْـتَـاجْ

*

نَـسْـلْ مَحْيْ الدِّيـنْ الْمُحْيِي ارْسَـامْ دَرْسُو

مَنْ بْذَلْ جَهْدُه فِي مَرْضَاتْ صَاحَبْ التَّـاجْ

*

لاَ هْـنَـا لاَ رَاحَـة لَـلَّـهْ بَـاعْ نَـفْـسُـه

طَـالَـبْ ثْمَنْهَا مَـنْ سُلْطَـانْ حَيّْى فَـرَّاجْ

*

يْـنَـعّْـمُو بَالِّي يَـرْضَى فِي نْعِيـمْ قَـدْسُه

فْرَاشْ

مَايْنَة لُـه بَـنْ مَـحْـيِى الدِّينْ * نَاصَرْ الدِّينْ

*

قَـاهَـرْ الْمُخَالِفِينْ * أَهْلْ فْسَـادْ وَ عْـنَادْ

رَاحَـةْ الْمَغْـنُومِينْ * غْـنِيمَةْ الْمْسَاكِينْ

*

نَاصَفْ الْمَظْلُومِينْ * وُ لاَ يْـجُوزْ مَـعْـتَـادْ

مَعْـتْـصَمْ بَـالْحَقْ الْـمُـبِـينْ * بِـهْ مُعِينْ

*

صَابَرْ لْحُـكْـمْ الْمُسْتَعِـينْ * كَـيْـفْ اَرَاد

مَنْ احْـيَـا عُـثْـمَانْ النُّورِينْ * نَالْ بُرْدِينْ

*

مَنْ سْجَاعَـةْ بَابَا الْـحُـسَيْـنْ * نَالْ مَا رَادْ

وُ مَـنْ احْـيَا زِيـنْ الْعَابِدِينْ * نَالْ وَقْرِين

*

نَبْعَةْ السَّـبْـطِينْ * لْبَحْرُ سْـمُـوجِ مَنَّـادْ

مَغْـتْـرَفْ مْـنَ الْمَـذْكُورِينْ * مَالَكْ أَمِينْ

*

تَـابَـعْ أَثَرْ نَاسْ الزِّينِينْ * بِـهُـم اقْـتَادْ

هَدَّة

مَغْتْرَفْ مَنْ بَحْرْ الْعَـذْبْ بْـغِـيـرْ أُجَـاجْ

*

مَقْـتْـبَـسْ مَنْ سَادَاتْ النُّورْ نَارْ قَـبْـسُـه

تَـابَـعْ الْكِـتَـابْ وُ سُـنَّـة بْغِيرْ مَنْهَـاجْ

*

سَـافَـلْ مْـسَـڤَّـمْ بَقْوَاعَـدْ مَا الْـتَبْسُـو

نِعْمَةْ الْمُنْعِمْ لَعْـبَـادُ وَ احْـيَـاهُـمْ بَالتَّـاجْ

*

ظَـهَّـرْ الْمَـغْرَبْ بِـهْ وُ زَادْ ڤَـاعْ لَـبْسُه

فْـرَاشْ

نِعْـمَـةْ الْـمُـنْعِـمْ لَعْـبَادُه * اعْطَى لْعَبْدُه

*

طَهَّرْ الْمَغْرَبْ مَنْ فْسَادُه * بْغَيْثْ هَطَّالْ

لاَحْ طَـالَـعْ سَعْدُه * بِهْ الْعْـرَبْ سَعْـدُو

*

بَالنَّصْرْ بَنَّدْ بَـنْـدُه * فُوڤْ كُـلْ مَـطْـلاَلْ

لَلْبْـلاَء زَڤْـلـَمْ رَعْدُه * كُـلْ سَـدّْ هَــدُّه

*

وَ الْمُـدُونْ ارْتَـعْدُوا * هَـزّْ الْوْطَى وُ لَجْبَالّْ

زَلْ وَ زْغَـى وَدُّه * بْــغِــيــرْ وَدُّه

*

وُ زَالْ كُلْ عْـنَادْ عْنَادُ * الْفَـتْـحَ الاَقْـفَـالْ

الْجْبَابَرْ منُّه سَهْدُو * امْـسَـاوْ بَـرْدُوا

*

خَاضْعَة لَرْضَاهْ يْوَدُّوا * نْـفُـوسْ وَ امْوَالْ

مَا تْجُـودْ اجْـوَادْ بْجُودُه * وُ لاَ يْـقَـدُّوا

*

وُ مَا ضْنَاوْ اغْيَادْ بْمَولْدُه * حْرِيرْ الاَبْـطَالْ

هَدَّة

سَـمّْ الاَكْـرَاهْ الْفَـاتَـكْ صَـيْدْ سَمّْ خَلاَّجْ

*

كُلْ شَـامَـخْ وَطَّـاهْ وُ كُـلْ حُـصْنْ هَرّْسُه

مْوَابَدْ عْلَى الْحَرْبْ وَ الاَفْتَانْ طِيرْ الاَحْرَاجْ

*

يَـهْـزَمْ اعْـڤَـادْ كْـبَـارْ مْدَمّْرِينْ كَرْسُوا

سَڤَّمْ خْـشَبْ تَخْـشَانْ وَ لاَ بْـقَى لْهَا عْوَاجْ

*

كُلْ شَـامَـخْ وَطَّـاهْ وُ كُـلْ حُـصْنْ هَرّْسُه

فْـرَاشْ

بَعْدْ طَاعْ الْمَغْرَبْ وَ اضْحَى* بْنُورْ يَصْحَى

*

رَجْعَتْ الدَّنْيَا مَصْطَلْحَة * بْـرَايْ مَـبْـرُورْ

ءَالَـتْ إِلَيْهْ الْمَصْلَحَة * بْقُولْ صَــحَّـة

*

فَى الْكُتُوبْ الْمَشْتَرْحَة * لِيسْ بِهْ مَـحْضُورْ

دَلَّحْ اعْڤَابْ الدَّلْحَة * لَلْـوْغَـا تْـحَـيْحَى

*

زَامْ رَعْدُه لاَبَى يَصْحَى * بْـصَـوْتْ مَنْشُورْ

السّْـنَاجَقْ تَدَّاحَى * وَ الطَّـبُـولْ طَيْحَة

*

وَ الْمْـدَافَـعْ صَيَّاحَة * رَاعْـدِيـنْ بَالْكُورْ

طَـافَـحْ بْعَسْكَرْ لَلنَّطْحَة * اقْـوَامْ وَڤْـحَـة

 

كُلْ يُومْ يْمَسِّي فِي بَيْحَة * بْجِـيشْ مَـنْشُورْ

دَاوِيَة مَنُّه مَڤْرُوحَة * نْـجُـوعْ دَوْحَـة *

 

هَـلَّكْ عْرَبْ كَمَّنْ شَبْحَة * بْـعَـڤْدْ مَـذْكُورْ

هَدَّة

صَـاڤْ بَكْتَايَفْ مَـنْتَـشْرَة لْعَرَبْ الاَخْمَاجْ

*

مَانْعِيـنْ الْفَـرْضِـيَة وَ الْقْـلُوبْ رَجْـسُـوا

خَـايْـفَة مَنْ صَطَّوْتُه مَـايْـجِـينْ تَمْـوَاجْ

*

مَا لْهُمْ هَمْدَة مَا غَـبْـطُـوا مْـنَـامْ نَعْسُـوا

لاََ هْـنَا لَـعْـدَاهْ بْـطُـولْ الزّْمَـانْ دَلاَّجْ

*

طَـالْ مَا ڤَـاسَاوْ مَنْ مْـكَايْـدُه وُ فَـلْسُوا

فْـرَاشْ

طَـوَّعْ الْـغَرْبِيَة * وَ عْـمَـالَةْ الْمْـدِيَـة

 

رَجْعَتْ لَهْ الْكُلْ رْعِيَة * احْرَارْ وَ احْبَاشْ

قَـاهَـرْ الـضَّـدِّيَـة * طَـرْشُـونْ كُلْ فِيَّة

*

ذَلْ بَنْصَالُه عَـنْـفِـيَة * مْـدُونْ وَ اعْرَاشْ

خَـايْـفَـة مَـنُّه مَـوْتـِيَة * قْبَـاطْنِـيَـة

*

سَـهَّـدْ عْـرَبْـهَا قَهْرِيَة * بْغِيرْ تَضْبَاشْ

مَا يْـكَـلْ وُ لاَ يَعْـيَى * وَلاَ يْـمَـلْ سَرْيَة

*

كُـلْ سَـاعَـة لَـثْـنِـيَة * بَامْحَالْ يَنْحَاشْ

يَـنْـطَحْ الْـمَـشْلِـيَة * بَـشْـرَارْهَـا قْوِيَةّ

*

وَ يْـعَـمَّـدْ لَلنَّارْ قْـوِيَـة * مْـنِينْ تَحْرَاشْ

بَـهْـرْجَتْ بِـهْ الدَّنْيَا * فَـارَسْ الْـمْـزِيَة

*

وُزَخْرَفْ الْعَصْرْ الْجِيلِيَة * مَنْ حْدَى وُتَحْشَاشْ

هَدَّة

مَا يْهِيبْ اعْـدَاء مَـا يَرْضَى حْدِيثْ الاَسْمَاجْ

*

كُلْ رُكْنْ بْغَى فْلاَسْ هَدّْ لِيهْ سَاسُه

غَنْمَتْ رْجَـالْ اللَّذَة بِـهْ فَـرْحْ وَ افْـرَاجْ

*

فِي نْعَـايَـمْ وَ بْسَاطْ اسْجَارْهَا انْغَرْسُــوا

كُلْ مَنْ بْغَى فَـضْلُه نَالْ خِـيـرْ وَ حْـرَاجْ

*

غَرْسْ مَنْ لاَ يَسْـقِيهْ نْدَاهْ بَانْ يَـبْـسُـه

فْرَاشْ

طَوَّعْ نْوَاجَعْهَا وَ مْدُونْ* هَوْلْ وَ هَوْنْ

*

سَاسْهَا بَالْـفَـرْضْ وُ سْـنُونْ * بَـاهَرْ شْنَاهْ

قَطَّعْ طْبَلْ وَادْ الزِّيتُونْ * سَـمّْ قَـرْشُـونْ

*

غَرْقَتْ مْرَاكَبْهَا وَ سْفُونْ * فِي بْـحَـرْ مَـاهْ

كُلْ قَنْتْ مْنَغَّصْ مَشْحُونْ * بِـهْ مَطْحُــونْ

*

صَيْدْ حَاڤَدْ فَاتَنْ مَفْتُونْ * صَـاعَبْ بْـلاَهْ

الْيْلاَهْ حْبَاهْ بْطَرْشُونْ * كَـانْ لُــه عَــوْنْ

*

هَرَّسْ رْكَايَزْهَا وَ قْرُونْ * طَـالَبْ رْضَـاهْ

كِيفْ عَضَّدْ نُورْ الْمَكْنُونْ * عَـادْ مَيْهُــونْ

*

كِيفْ عَضَّدْ مُوسَى هَارُونْ * بَعْـدْ دْعَــاهْ

كَبْرَتْ الْحُجَّة عَنْ فَـرْعُـونْ * عَادْ مَغْبُونْ

*

دَايْـرَتْـهَا مَالْ وُ قَارُونْ * مَـا لْـهَا جَـاهْ

هَدَّة

بِهْ بَجْنُـودُه غَـرْقَـتْ فِـي ظْـلاَمْ الاَمْوَاجْ

*

لاَ نْـجَا لاَ نَـاجِـي مَحْـسُوسْ بَـانْ حَسُّه

وَ الْـقْـضَا نَزَّلْ بِهُمْ مَا بْـقَى اسْـتِـدْرَاجْ

*

كَمْلَتْ الْمَوَدَّة وَ قْـبِـيـضْ كُلْ نَـفْـسُـه

تَمَّتْ الْحُجَّة وَ بْطَلْ قَوْلْ كُلْ مَـحْـجَـاجْ

*

نَسْلْ مَحْي الدِّيـنْ الْمُحْيِي ارْسَـامْ دَرْسُـو

تَمَّتْ