Les Ouvrages Du CRASC

Centre de Recherche en Anthropologie Sociale et Culturelle

Index des ouvrages

و لـه ايـضـا رحـمـه الله :

عَلَّلْنِي بَـحْدِيـثْ سَـلْمَى نَـنْـسَـى الْـهَـمّْ

*

وَ اذْكُـرْ وَصْـفْ عْـرِبْهَا وَ اخْبَارْ الْقُـومْ

رَحْـلُوا مَنْ سَقْطْ اللَّوَى بَضْعَايَنْ سُـحْـمْ

*

كَانّْ سْـحَايَـبْ فِي سْمَا صَـاحِي مَـنْعُـومْ

بَلْعَـتْهُمْ بَـطْنْ الْفْـضَا مَنْ ذَاكْ الرَّسْـمْ

*

وَ اصْـبَحْ مَغْنَاهُمْ اجْـرَدْ صَـاعَدْ مَرْڤُـومْ

رَدَّدْ يَا اخَا الْفَـضْلْ خَـبْرَكْ لاَشْ تْـزَمْ

*

تَعْـرَفْـنِي فِي حْـدِيثْ مَنْ نَهْوَى مَغْـرُومْ

غَـنِّي لِي بَكْـلاَمْ سَـلْمَى قَـبْـلْ الصَّـرْمْ

*

وَقْـتْ انْ كَانْ الشَّـمْـلْ يَا سَلْمَـى مَلْمُـومْ

لُـوحْ بَـعْضْ حْـدِيثْـهَا مَنْ بَابْ الرَّجْـمْ

*

وَ اتْـرُكْ مَا هُـوَ عْـلَى حَـالُه مَـبْـهُـومْ

عَـنْدْ نْسَـايَـمْ ذَكْـرْهَا نَـحْـيَى بَالشَّـمْ

*

نَـسْـتَـنْـشَـقْ لُو كُنْتْ مَـاذَالِي مَزْكُـومْ

اتْـفَكَّـرْ مَـنْـهَـا لْيَالِي فَـاتُـوا دُهْـمْ

*

فِي سْـمَاهُمْ مَا شَاهْـدَتْ لَعْـيُـونْ نْجُـومْ

سُـودْ بْـرُودْ اطْـرَقْـتْـهَا وَ الْكَالِي صَمْ

*

نَفَّـتْ عَنُّه مَـنْ اسْـرَارْ الْغَـيْثْ غْـيُـومْ

وَ عْـجَـزْ حَـارَسْ بِيـتْهَا بَالصَّرْدْ انْضَمْ

*

سَمْعُـوا لُه فِي مَـسْكْـنُه نِـيـنَة وَ زْيُـومْ

بَتْـنَا نَـتْـعَاطَـاوْ شَـبْـهْ زْلاَلْ الْكَرْمْ

*

فِي كِـيسَانْ الْـوُدّْ مَنْ صَـهْـبَةْ خَرْطُـومْ

قَـطْـرَتْ مَنْ عَصْرْ الْمَا وَ بْيَاضْ الظَّلْمْ

*

مَـا غَـنَّتْ بْـعَـتْـقْـهَا دَوْحَـاتْ كْـرُومْ

وَ نْـشَـرْنَا عَقْدْ الْحْيَـا مَنْ سَـلْكْ النَّظْمْ

*

بَـعْـدْ اللُّومَة عْـتَـابْـنَا وَلَّى مَـنْـظُـومْ

خَـلَّصْ ذََهْـنَكْ مَنْ وْسَاوَسْ هَتْكْ الْحُرْمْ

*

وَ ارْفَـعْ نَـظْرَكْ عَنْ رْضَى هَفْوَاتْ اللُّـومْ

وَ احْسَنْ ظَـنَّكْ لاَ تْلاَحَضْـنَا بَالْـوَهْـمْ

*

فِي مَذْهَبْـنَا السّْـفِـيهْ يَا صَـاحِ مَـذْمُـومْ

غِـيـرْ مْعَانِي رَايْقَة تَسْرِي فَى الْجَسْمْ

*

سَـرْيْ الْمَاء فِي بَاطْـنَةْ ڤَـاسِي مَـحْطُـومْ

نَسْتَخْـرَجْ دُرّْ اللَّـغَى مَنْ قَـعْـرْ الْـيَـمْ

*

وَ نْبَـيَّـنْ لاَهْلْ الْهْـوَى فَى الْحُـبّْ عْـلُومْ

سَـرّْ بْـدِيعْ ادْرَكْـتْ بِـهْ عْلاَلِي خَصْمْ

*

وَ نْڤَـانِي كَشْفْ الرّْمُـوزْ بْـلاَ سَـلُّـومْ

فَضْلْ الله وَ الْفَضْلْ مَا يُقَـاسْ بْـكَـمْ

*

فِي الْيَـڤْضَا شَاهَـدْتْ حُـكْمْ اسْـرَارْ النُّومْ

سَـلَّـمْ وَ التَّسْـلِيمْ حَكْمَة لاَهْلْ الْعَـلْـمْ

*

مَـا مَنْ تَـاعَبْ فَى الْوْطَـا سَـابَڤْ مَحْرُومْ

مِـيـلْ بْجَـفْـنَـكْ لَلْمْنَعْ مَنْ هَذَا اللَّطْـمْ

*

هَـذَا بَـحْـرْ لاَ تْـقَـدْ فِي مَـاهْ تْـعُـومْ

كَحَّـلْ لَحْضَاتْ الرّْضَى بَسْـوَادْ الْحُـلْـمْ

*

تَـفْـضَلْ سَرّْ بْـدِيـعْ مَاذَا لُه مَـكْـتُـومْ

مَا تَـعْـرَضْ لُه فَى الزّْمَانْ ثْوَاقَبْ فَـهْـمْ

*

تَحْتْ ثْـيَابْ الصَّمْتْ وَ الْهَمَّة مَـضْـمُـومْ

نَـادَى بِهْ الْـوَقْـتْ وَ طْـمَـاهْ الْعَـزْمْ

*

وَ اقْـشَـعْ غَيْمْ انْ كَـانْ تَحْتْ سْمَاهْ رْكُـومْ

ظَهْرَتْ مَنْ لَـفْـظْ الْقْـوَافِي نَثْـرْ وُ نَظْمْ

*

نَـارَتْ كِيفْ تْـنُورْ فِي الاَفْـلاَكْ نْـجُـومْ

مَـنْ فَـضْـلَكْ يَا ابَا الْفَـضْلْ بِهَا نَهْـثَـمْ

*

لُـو كَـانْ الدَّهْـرْ يْـكُونْ بِيَ دَهْرْ مْشُـومْ

شَـحّْ عْـلِيَّ بَـالدّْوَا وَ سْـقَـانِي السَّـمّْ

*

وَ انْـتَ فِي يْـدَكْ كُـلْ رُقْـيَـة لَلْمَطْعُـومْ

يَـا عَنْتَرْهَا حِـيـنْ تَتْهَـيَّـأْ لَـلْحَـزْمْ

*

يَا حَـاتَـمْهَا فِي غْـلاَوَتْ سَـعْـرْ السُّـومْ

يَا حَجْرْ سْـعَـدْ لَذَّتْ اطْرَافُه لَـلـلَّـثْـمْ

*

يَا بَـدْرْ زْهَرْ لاَحْ مَنْ قَـبْـلَة مَتْـمُـومْ

يَا سِـيـفْ يْمَانِي يْـشُـقْ اصْلاَدْ الصَّـمّْ

*

يَا رُمْحْ رْدِيـنِي ازْرَقْ صَـافِي مَـسْـمُـومْ

يَا قَسْوَرْ فِي لَـغْـطْـتُه لَلسَّـمْـعْ هْـزَمْ

*

يَا زَهْـلُولْ ارْڤَـطْ إِذَا يَـنْـحَـازْ غْـشُومْ

يَا صَـقْـرًا حَنَّا اظْـفَـارُه سَـفْـكْ الـدَّمْ

*

يَا طَـرْفًـا اصْـفَـحْ عَـنْ زَلاَّتْ الـلُّـومْ

يَا صَـوْلاَ مَـتْـبَـيّْـنَة يَا هِيـبَـةْ رُقْـمْ

*

يَا نَـسْـمَـة مَتْخَلْـصَة مَنْ طِيـبْ نْسُـومْ

يَا نَـعْـمَ يَا طَـوْدْ مَنْ الاَطْوَادْ الشَّـمّْ

*

يَا مَـفْـتَاحْ الْكُـلْ بَـابْ صْـعَبْ مَلْطُـومْ

يَا حَكْمَة يَا غَـوْثْ يَا مَـلْـجَـأْ يَا رَحْـمْ

*

لاَ زَلْـتْ مْنَ الْمَكْرْ فِي الاَشْـيَا مَعْـصُـومْ

الدَّنْـيَـا بَـاسْهَامْـهَا وَ انْـتَ لِي سَـهْـمْ

*

كِيفْ تْكُونْ فِي قُـرْعْـتِي وَانَا مَضْـيُـومْ

حَجْبَتْنِي عَنْكُمْ عْـوَايَـقْ دَهْرْ الْـغَـمْ

*

وَانْـتَ مَا لَكْ وَاسْـطَى بَـالْحَـقْ تْـقُـومْ

وَ الْيُـومْ بْسَـاحَةْ رْجَـاكُمْ ضَـيْـفِي لَـمّْ

*

نَـرْجَى رَبّْ الْـقْـرَا بَسْطَة وَ بْـسُـومْ

عَـلَّى وَ عْـسَى تَـنْسَخْ احْكَـامْ الْعَـزْمْ

*

مَنْ نَزْلَة يَاتِي الْفَـرْجْ بَاعْطَى مَـعْـلُـومْ

يَـذْهَـبْ جُـنْـدْ الْـفَـقْـرْ قُـدَّامِـي مَهْـزُومْ

تَمَّتْ